Isikeli 45:1-25

  • Cau tabu kei na koro (1-6)

  • iVotavota ni turaga (7, 8)

  • Mera dau dina na turaga (9-12)

  • Cau ni lewenivanua kei na turaga (13-25)

45  “‘Ena gauna oni vota kina na ivotavota qele,+ moni cautaka vei Jiova e dua na tikina tabu ni vanua.+ Na kena balavu me 25,000 na kiupiti,* na kena raba me 10,000 na kiupiti.+ Na vanua* kece qori e tikina tabu.  Ena tiko ena loma ni vanua qori na vanua tabu e tautauvata na balavu ni yasana vava, oya me 500 na kiupiti dua na yasana, e 500 na kiupiti na yasana adua,+ ena tiko tale ga ena yasana kece na vanua veico e 50 na kiupiti.+  Mo vakarautaka na kena balavu me 25,000 kei na kena raba me 10,000 ena ivakarau qo, ena tiko e loma na tikina tabu, na ka e tabu sara.  Me nodra na bete na ivotavota ni qele tabu,+ oya o ira na veiqaravi ena tikina tabu, era toro yani mera qaravi Jiova.+ Ena tiko kina nodra vale kei na vanua tabu me tu kina na tikina tabu.  “‘Ena dua na nodra ivotavota na Livai era veiqaravi ena valenisoro, e 25,000 na kiupiti na kena balavu e 10,000 na kiupiti na kena raba,+ era na taukena e 20 na rumunikana.*+  “‘Moni solia me ivotavota ni koro na vanua e 25,000 na kiupiti na kena balavu (me tautauvata kei na cau tabu), e 5,000 na kiupiti na kena raba.+ Ena nodra na vuvale ni Isireli taucoko.  “‘Ia na turaga, me nona na qele ena yasa ruarua ni cau tabu kei na vanua e votai ina koro. Ena volekata toka ga na cau tabu kei na ivotavota ni koro. Ena tiko ena ra kei na tokalau. Na kena balavu mai na iyalayala ena ra ina iyalayala ena tokalau, ena tautauvata kei na ivotavota ni dua na yavusa.+  Na qele qo ena nona ivotavota e Isireli. O ira na noqu turaga era na sega tale ni vakararawataki ira na noqu tamata,+ era na solia vua na vuvale ni Isireli na qele me vaka na nodra yavusa.’+  “Qo na ka e kaya na Turaga Cecere Duadua o Jiova: ‘Sa rauta, kemuni na turaga ni Isireli!’ “‘Moni muduka na nomuni ivalavala kaukaua kei na nomuni veivakatotogani, moni vakayacora na ka e vinaka, e dodonu.+ Moni kua ni kovea tiko na nodra qele na noqu tamata,’+ e kaya na Turaga Cecere Duadua o Jiova. 10  ‘Moni vakayagataka na ivakarau dodonu ni bibi, na ivakarau dodonu ni efa* kei na ivakarau dodonu ni paca.*+ 11  Me dua na ivakarau tudei ni efa kei na paca. Na ivakarau paca me dua na ikatini na omeri,* na ivakarau efa me dua na ikatini na omeri. Ena ivakarau tudei ni vakavakarau na omeri. 12  Na sikeli*+ me 20 na kera.* Ni soqoni vata e 20 na sikeli kei na 25 na sikeli kei na 15 na sikeli ena dua na mane,* me nomuni.’ 13  “‘Qo na cau moni cabora: e dua na ikaono ni efa mai na dua na omeri na witi, e dua na ikaono ni efa mai na dua na omeri na varile. 14  Na ivakarau ni waiwai me yavutaki ena ivakarau paca. Na paca e dua na ikatini na ko,* e tini na paca e dua na omeri, ni tini na paca e tautauvata kei na dua na omeri. 15  Me soli e dua na sipi mai na veiya200 na sipi ena qelenisipi e Isireli. Qori me isoro kakana,+ me isoro kama taucoko,+ kei na isoro ni veiyaloni+ mera sorovaki kina na lewenivanua,’+ e kaya na Turaga Cecere Duadua o Jiova. 16  “‘Era na cautaka na cau qo na lewenivanua kece+ vua na turaga ni Isireli. 17  Ia ena lewa na turaga na isoro kama taucoko,+ na isoro kakana,+ kei na isoro livi ena gauna ni soqo,+ na vula vou, na Siga ni Vakacecegu,+ kei na nodra soqo kece na vuvale ni Isireli.+ Ena vakarautaka o koya na isoro ni ivalavala ca, na isoro kakana, na isoro kama taucoko, kei na isoro ni veiyaloni mera sorovaki kina na vuvale ni Isireli.’ 18  “Qo na ka e kaya na Turaga Cecere Duadua o Jiova: ‘Ena imatai ni vula ena imatai ni siga ni vula, mo kauta e dua na luvenibulumakau tagane yagovinaka ena qelenibulumakau mo vakasavasavataka na tikina tabu mai na ivalavala ca.+ 19  Ena taura na bete eso na dra ni isoro ni ivalavala ca me boroya ena duru ni katuba ni valenisoro,+ ena tutu vava ni vata e wavokita na icabocabonisoro, kei na duru ni katuba ni matamata ena raranivale e loma. 20  Qori na ka o na vakayacora ena ikavitu ni siga ni vula ni sega ni nakita e dua na nona ivalavala ca se vakayacora ena nona lecaika,+ moni qai sorovaka na valenisoro.+ 21  “‘Ena imatai ni vula ena ika14 ni siga ni vula, oni na soqova na soqo ni Lakosivia.+ Me laukana na madrai sega ni vakaleveni me vitu na siga.+ 22  Ena siga qori ena vakarautaka na turaga e dua na luvenibulumakau tagane me isoro ni nona ivalavala ca, ena vukudra tale ga na lewenivanua kece.+ 23  Ena vakarautaka o koya ena siga ni soqo vituvitu qori e vitu na luvenibulumakau tagane yagovinaka kei na vitu na tamanisipi yagovinaka me isoro kama taucoko vei Jiova,+ vaka kina e dua na me tagane e veisiga me isoro ni ivalavala ca. 24  Me vakarautaka tale ga e dua na efa na covuata me isoro kakana me cabori vata kei na luvenibulumakau tagane kece kei na tamanisipi kece, me dua tale ga na hini* waiwai ni cabori vata na efa ni covuata. 25  “‘Ena ikavitu ni vula ena ika15 ni siga ni vula, ena vakarautaka tale ga o koya ena loma ni vitu na siga ni soqo+ na isoro ni ivalavala ca, na isoro kama taucoko, na isoro kakana, kei na waiwai.’”

iVakamacala e ra

Qo na kiupiti balavu. Raica na iKuri B14.
Se “Na kena iyalayala.”
Se “20 na rumu.”
Raica na iKuri B14.
Raica na iKuri B14.
Raica na iKuri B14.
Raica na iKuri B14.
Raica na iKuri B14.
Se “mina.” Raica na iKuri B14.
Raica na iKuri B14.
Raica na iKuri B14.