Isikeli 28:1-26

  • Parofisaitaki na ka ca vua na tui Taia (1-10)

    • “O yau e dua na kalou” (2, 9)

  • Sere ni lolosi me baleti tui Taia (11-19)

    • “O a tiko mai Iteni” (13)

    • “Jerupi lumuti dau veivakarurugi” (14)

    • “Laurai vei iko na ivalavala sega ni dodonu” (15)

  • Parofisaitaki na ka ca vei Saitoni (20-24)

  • Vakalesui o Isireli (25, 26)

28  E vosa tale vei au o Jiova, e kaya:  “O iko na luve ni tamata, mo tukuna vua na iliuliu e Taia, ‘Qo na ka e kaya na Turaga Cecere Duadua o Jiova: “Ni qaciqacia na lomamu,+ o tukuna tiko ga, ‘O yau e dua na kalou. Au dabe ena idabedabe vakaturaga ni kalou ena loma ni wasawasa.’+ Ia o dua ga na tamata, o sega ni dua na kalou,O nanuma e lomamu ni o dua na kalou.   Raica! O vuku sara vei Taniela.+ E sega ni vunitaki vei iko e dua na ka lo.   O vakavutuniyautaki iko ena nomu vuku kei na nomu yalomatua,O binia tiko ga na koula kei na siliva ena nomu valenimaroroi iyau.+   O vutuniyau vakalevu ni o kenadau ena veivoli,+E qaciqacia na lomamu ena vuku ni nomu iyau.”’  “‘Ia qo na ka e kaya na Turaga Cecere Duadua o Jiova: “Ni o nanuma e lomamu ni o dua na kalou,   Au na kauti ira mai na vulagi mera valuti iko, na veimatanitu voravora sara,+Era na ucuna na nodra iseleiwau mera valuta na totoka ni nomu vuku,Mera vakacacana na kemu lagilagi.+   Era na kauti iko sobu ina qara,*O na mate vakararawa ena loma ni wasawasa.+   Vakacava o na tukuna tiko ga, ‘O yau e dua na kalou,’ vei koya e vakamatei iko? O tamata ga, o sega ni dua na kalou e ligadra na vakacacani iko.”’ 10  ‘O na mate e ligadra na vulagi me vakataki ira era sega ni cili,Ni o yau ga au tukuna,’ e kaya na Turaga Cecere Duadua o Jiova.” 11  E vosa tale vei au o Jiova, e kaya: 12  “O iko na luve ni tamata, mo lagata na sere ni lolosi me baleti tui Taia, mo tukuna vua, ‘Qo na ka e kaya na Turaga Cecere Duadua o Jiova: “O iko na ivakarau ni ka uasivi,O vuku vakalevu,+ e totoka vakaoti na kemu irairai.+ 13  O a tiko mai Iteni, na were ni Kalou. O ukutaki ena vatutalei kece,Na rupi, na topasa, na jasipa,na kirisilaite, na onikisa, na jate, na sefaia, na tekoisi,+ kei na emeralita,Na kedra idabedabe kei na matadra e caka ena koula. Era vakarautaki ena siga o buli kina. 14  Au lesi iko mo jerupi lumuti dau veivakarurugi. O tiko ena ulunivanua tabu ni Kalou,+ o veilakoyaki ena vatu bukawaqa. 15  E dodonu na nomu ivalavala ena siga o buli kinaMe yacova ni laurai vei iko na ivalavala sega ni dodonu.+ 16  Ena levu ni nomu veivoli,+E voravora na nomu ivalavala, o valavala ca sara.+ Au na kolotaki iko gona mai na ulunivanua ni Kalou mo beci, meu vakarusai iko,+Mai na vatu bukawaqa, o iko na agilosi dau veivakarurugi. 17  E qaciqacia na lomamu ni o totoka.+ O vakacacana na nomu vuku ni o sa rui lagilagi.+ Au na kolotaki iko sobu i vuravura.+ Au na biuti iko e matadra na tui mera saravi iko. 18  Ena levu ni nomu cala kei na nomu veivoli veidabui, o beca na nomu itikotiko tabu. Au na waqaca na bukawaqa ena kemu maliwa, ena vakamai iko.+ Au na vukici iko mo dravusa e vuravura, e matadra kece na saravi iko tiko. 19  Era na wadravi iko kece ena kidroa na lewe ni veivanua era kilai iko.+ Ena vakasauri qai vakadomobula na ka ena yacovi iko,O na yali vakadua.”’”+ 20  E vosa tale vei au o Jiova, e kaya: 21  “O iko na luve ni tamata, mo vakanamata i Saitoni,+ mo parofisaitaka vua na ka ca. 22  Mo kaya, ‘Qo na ka e kaya na Turaga Cecere Duadua o Jiova: “Au na valuti iko Saitoni, au na vakalagilagi ena kemu maliwa,Era na kila na lewenivanua ni o yau o Jiova niu totogitaki koya, au rokovi tale ga e kea. 23  Au na tala vua na matedewa, ena drodrova na dra na nona sala. Era na balemate e kea ni valuti koya mai na veiyasana na iseleiwau,Era na qai kila ni o yau o Jiova.+ 24  “‘“Ena sega tale ni wavokita na vuvale ni Isireli na votonikau e veivakamavoataki kei na wavakavotona mosimosi,+ oya o ira na vakalialiai ira tiko, era na qai kila na lewenivanua ni o yau na Turaga Cecere Duadua o Jiova.”’ 25  “‘Qo na ka e kaya na Turaga Cecere Duadua o Jiova: “Niu soqona tale na vuvale ni Isireli mai vei ira na lewe ni veivanua era veiseyaki tu kina,+ era na rokovi au e matadra na veimatanitu.+ Era na qai tiko ena nodra vanua+ au solia vua na noqu tamata o Jekope.+ 26  Era na tikovakacegu kina,+ era na tara vale, era na tea na loganivaini,+ era na tikovakacegu niu totogitaki ira kece na tiko wavokiti ira era dau vakalialiai ira.+ Era na qai kila ni o yau o Jiova na nodra Kalou.”’”

iVakamacala e ra

Se “ibulubulu.”