Vei Ira na Iperiu 3:1-19

  • Vakalagilagi vakalevu o Jisu vei Mosese (1-6)

    • Ka kece ga e tara na Kalou (4)

  • Qarauna na lailai ni vakabauta (7-19)

    • “Nikua ke oni rogoca na domona” (7, 15)

3  O koya gona raveitacini yalosavasava, o kemuni oni kacivi* i lomalagi,+ ni vakananuma mada na yapositolo kei na bete levu eda tukuna nida vakabauta, o Jisu.+  A yalodina vei koya a lesi koya ina ilesilesi qori,+ me vaka na yalodina i Mosese ina nona itavi ena vale ni Kalou.*+  E dodonu me vakalagilagi vakalevu+ o koya vei Mosese, ni dau vakalagilagi vakalevu o koya e tara na vale, sega ni vale.  E macala gona ni tiko o koya e tara na vale yadua, ia o koya e tara na ka kece ga na Kalou.  A yalodina o Mosese ni veiqaravi ena vale ni Kalou. Na nona veiqaravi qo e ivakadinadina ni ka me na qai vakatakilai.  Ia o Karisito, na luve+ ni itaukeinivale, a yalodina ena nona lewa na vale ni Kalou. Eda na okati meda vale ni Kalou,+ ke da vosa tiko ga ena doudou da qai dei ena noda sakitaka na noda inuinui me yacova na icavacava.  Oya na vuna e tukuna kina na yalo tabu,+ “Nikua ke oni rogoca na domona,  ni kua ni vakaukauataka na lomamuni me vaka na gauna oni vakavuna kina na cudru katakata me vaka na siga ni veivakatovolei ena vanua talasiga,+  era vakatovolei au kina na tukamuni, dina nira a raica na noqu cakacaka ena 40 na yabaki.+ 10  Oya na vuna au cudruva kina na itabatamata qo au qai kaya, ‘Sa dau gole tani tu ga na lomadra, era sega ni kila na noqu sala.’ 11  Au mani bubuluitaka ena noqu cudru, ‘Era na sega ni curu ina noqu ivakavakacegu.’”+ 12  Ni qarauna raveitacini, me kua ni dua vei kemuni e ca na lomana ni sega vua na vakabauta ni yawaka tiko na Kalou bula.+ 13  Ia moni veivakauqeti ena veisiga ni se tiko na gauna e rawa ni vakatokai me “Nikua,”+ de dua vei kemuni e vakaukauataki na lomana ena kaukaua ni ivalavala ca e veibacani. 14  Eda na vakaivotavota vata ga kei Karisito ke dei tiko na noda vakanuinui mai na ivakatekivu me yacova na icavacava,+ 15  me vaka e tukuni: “Nikua ke oni rogoca na domona, ni kua ni vakaukauataka na lomamuni me vaka na gauna oni vakavuna kina na cudru katakata.”+ 16  O cei a rogoca ia e qai vakavuna na cudru katakata? Sega ni o ira kece na biuti Ijipita ena veiliutaki i Mosese?+ 17  O cei tale a cudruva na Kalou me 40 na yabaki?+ Vakacava, e sega ni cudruvi ira na ivalavala ca, o ira era mate qai tu yani na suidra ena vanua talasiga?+ 18  O cei tale a bubuluitaka nira na sega ni curu ina nona ivakavakacegu? Sega ni o ira na talaidredre? 19  E macala nira sega ni curu rawa ni sega vei ira na vakabauta.+

iVakamacala e ra

Se “sureti.”
Oya na ivavakoso ni Kalou.