Emosi 1:1-15
1 Na vosa nei Emosi,* e dua vei ira na daususu sipi mai Tikoa,+ e raivotutaka na ka me baleti Isireli ena gauna nei Tui Usaia+ e Juta, kei na gauna i Jerepoami+ na luvei Joasi+ na tui Isireli, ni vo e rua na yabaki me uneune.+
2 E kaya o koya:
“Ena tagi me vaka na laione o Jiova mai Saioni,Ena tabalaka na domona mai Jerusalemi,Ena lolosi na nodra vanua veico na ivakatawanisipi,Ena malai na ulu i Kameli.”+
3 “Qo na ka e tukuna o Jiova,‘“E talaidredre* vakatolu o Tamasiko, io na kena ikava au na sega ni vakasuka,Nira samuti Kiliati ena isamuyara kaukamea.+
4 Au na tala gona na bukawaqa ina vuvale nei Eseli,+Ena yameca na valececere vakabai nei Penietati.+
5 Au na musuka na ivakadei ni matamata e Tamasiko,+Au na vakarusai ira na tiko mai Bikaeveni,Kei koya e veiliutaki tiko* mai Peca-iteni,Era na kau vakavesu i Kiri na kai Siria,”+ e kaya o Jiova.’
6 Qo na ka e tukuna o Jiova,‘“E talaidredre vakatolu o Kesa,+ io na kena ikava au na sega ni vakasuka,Nira kauti ira kece vakavesu+ mera soli ira vei Itomi.
7 Au na tala gona na bukawaqa ina bai nei Kesa,+Ena yameca na nona valececere vakabai.
8 Au na vakarusai ira na tiko e Asoto,+Kei koya e veiliutaki tiko* mai Asikiloni,+Au na dodoka na ligaqu vei Ekironi,+Era na mate na vo ni kai Filisitia,”+ e kaya na Turaga Cecere Duadua o Jiova.’
9 “Qo na ka e tukuna o Jiova,‘E talaidredre vakatolu o Taia,+ io na kena ikava au na sega ni vakasuka,Nira soli ira kece mera kau vakavesu i Itomi,Era sega ni nanuma na nodra veiyalayalati vakaveitacini.+
10 Au na tala gona na bukawaqa ina bai nei Taia,Ena yameca na nona valececere vakabai.’+
11 “Qo na ka e tukuna o Jiova,‘E talaidredre vakatolu o Itomi,+ io na kena ikava au na sega ni vakasuka,Ni cemuri tacina ena iseleiwau,+E sega ni via yalololoma,E basuraki ira tiko ga ena nona cudru,E sega ni cegu nona katakatataki ira tiko ga.+
12 Au na tala gona na bukawaqa i Temani,+Ena yameca na valececere vakabai nei Posira.’+
13 “Qo na ka e tukuna o Jiova,‘“E talaidredre vakatolu o ira na Amoni,+ io na kena ikava au na sega ni vakasuka,Nira tavatavalaki ira na yalewa bukete e Kiliati mera vakalevutaka na nodra vanua.+
14 Au na tala gona na bukawaqa ena bai nei Rapa,+Ena yameca na nona valececere vakabai,Salavata kei na ibolenivalu ena siga ni ivalu,Kei na vakacaca ena siga ni cagi kaukaua.
15 Ena kau vakavesu na nodra tui, kei ira na nona turaga,”+ e kaya o Jiova.’
iVakamacala e ra
^ Kena ibalebale “Vakaicolacola” se “Cola na iColacola.”
^ Se “basulawa.”
^ Ipe., “koya e taura tiko na ititoko vakatui.”
^ Ipe., “koya e taura tiko na ititoko vakatui.”
