Dauveilewai 10:1-18

  • Rau na turaganilewa o Tola kei Jairi (1-5)

  • Ra talaidredre na Isireli, era veivutuni (6-16)

  • Ra vakarerei ira na Isireli na Amoni (17, 18)

10  E taravi Apimeleki o Tola na luvei Pua, na luvei Toto e dua vei ira na Isakari, me vakabulai ira na Isireli.+ E vakaitikotiko e Samiri ena veiulunivanua e Ifireimi.  E lewai ira na Isireli me 23 na yabaki. E qai mate e bulu ga e Samiri.  E taravi koya o Jairi na kai Kiliati, e lewai ira na Isireli me 22 na yabaki.  E 30 na luvena tagane era vodo ena 30 na asa, e 30 na nodra koro, era vakatoka na koro kece qori me o Avoci-jairi me yacova mai qo.+ Era tiko ena vanua o Kiliati.  Oti qori e mate o Jairi, e bulu sara e Kamoni.  Era caka ca tale na Isireli ena mata i Jiova,+ era qaravi ira na Peali,+ na ivakatakarakara kei Asetoreci, na nodra kalou na kai Arame,* na nodra kalou na Saitoni, na nodra kalou na Moapi,+ na nodra kalou na Amoni,+ kei na nodra kalou na kai Filisitia.+ Era biuti Jiova, era sega ni qaravi koya.  E qai waqa na cudru i Jiova vei ira na Isireli, e mani volitaki ira e ligadra na kai Filisitia kei ira na Amoni.+  Era vakararawataki ira na Isireli era vakasaurarataki ira ena yabaki oya, e 18 na yabaki era vakasaurarataki ira kece na Isireli era tiko ena yasa ni Joritani ena nodra vanua na Amoraiti e Kiliati.  Era takosova tale ga na Joritani na Amoni mera valuti ira na Juta, na Penijamini, kei na vuvale na Ifireimi, era rarawa kina vakalevu na Isireli. 10  Era kere veivuke sara vei Jiova na Isireli,+ era kaya: “Keimami sa cala vei kemuni, ni keimami biuta na neimami Kalou me keimami qaravi ira na Peali.”+ 11  Ia e kaya o Jiova vei ira na Isireli: “Au a sega ni vakabulai kemuni mai Ijipita,+ vei ira na Amoraiti,+ vei ira na Amoni, vei ira na kai Filisitia,+ 12  vei ira na Saitoni, vei ira na Amaleki, kei ira na Mitiani nira vakasaurarataki kemuni? Ni oni tagi mai vei au, au vakabulai kemuni mai ligadra. 13  Ia oni biuti au moni qarava eso tale na kalou.+ Oya na vuna au na sega ni vakabulai kemuni tale kina.+ 14  Moni lako vei ira na kalou oni digitaka moni kere veivuke vei ira.+ Mera vakabulai kemuni ena gauna oni rarawa kina.”+ 15  Ia era kaya vei Jiova na Isireli: “Keimami sa valavala ca. Moni cakava vei keimami na ka e donu e matamuni. Ni yalovinaka, moni vakabulai keimami ga ena siga qo.” 16  Era biuta laivi sara na kalou tani e tiko vei ira mera qaravi Jiova,+ me kua ni raica tiko na nodra rarawa na Isireli.+ 17  Sa dede toka era kacivi vata mai na Amoni+ mera birika na nodra valelaca e Kiliati. Era mani kumuni vata na Isireli mera birika na nodra valelaca e Misipa. 18  Era veivosaki na tamata kei na nodra turaga na Kiliati, era kaya: “O cei ena liutaka na nodra valuti na Amoni?+ Me nodra iliuliu na lewe i Kiliati taucoko.”

iVakamacala e ra

Se “Siria.”