Akeai 2:1-23
2 Ena ikavitu ni vula ena ika21 ni siga ni vula, e vosa o Jiova vei Akeai+ na parofita, e kaya,
2 “Yalovinaka, mo tarogi Serupepeli+ na luvei Salacieli na kovana e Juta,+ o Josua+ na luvei Jiosataki+ na bete levu, kei ira na vo ni lewenivanua:
3 ‘O cei vei kemuni na vo tiko qo e raica na lagilagi ni vale* qo e liu?+ E vakacava na kena irairai vei kemuni ena gauna qo? E ka wale e matamuni ni vakatauvatani kei na kena e liu?’+
4 “‘Ia qo mo kaukaua Serupepeli,’ e kaya o Jiova, ‘mo kaukaua Josua na luvei Jiosataki na bete levu.’
“‘Moni kaukaua tale ga na lewenivanua kece,’+ e kaya o Jiova, ‘moni cakacaka.’
“‘Niu tiko vata kei kemuni,’+ e kaya o Jiova ni lewe vuqa.*
5 ‘Moni nanuma na ka au yalataka vei kemuni ena gauna oni biuti Ijipita+ mai kina, ni tiko vata kei kemuni na yaloqu.*+ Ni kua ni rere.’”+
6 “Qo na ka e tukuna o Jiova ni lewe vuqa, ‘Ia vakadua tale, sa voleka sara, au na kurea na lomalagi, na vuravura, na wasawasa kei na vanua mamaca.’+
7 “‘Au na kurea na veimatanitu kece, era na qai yaco mai+ na veika talei* ni veimatanitu kece, au na vakasinaita na vale qo ena lagilagi,’+ e kaya o Jiova ni lewe vuqa.
8 “‘E noqu na siliva, e noqu na koula,’ e kaya o Jiova ni lewe vuqa.
9 “‘Ena levu sara na lagilagi ni vale qo mai na kena e liu,’+ e kaya o Jiova ni lewe vuqa.
“‘Au na solia na vakacegu ena vanua qo,’+ e kaya o Jiova ni lewe vuqa.”
10 Ena ika24 ni siga ena ikaciwa ni vula, ena ikarua ni yabaki nei Taraiasi, e vosa o Jiova vei Akeai+ na parofita, e kaya:
11 “Qo na ka e kaya o Jiova ni lewe vuqa, ‘Yalovinaka, tarogi ira na bete me baleta na lawa:+
12 “Ke dua e kauta tiko na lewe ni manumanu me isoro tabu ena ilobi ni nona isulu qai tara na nona isulu na madrai se sitiu se waini se waiwai se dua tale na mataqali kakana, ena savasava tiko ga?”’”
Era sauma na bete: “Sega!”
13 E taroga tale o Akeai: “Ke dua e sega ni savasava ni tara na yago* mate qai tara na ka kece qo, ena sega ni savasava?”+
Era sauma na bete: “Ena sega ni savasava.”
14 E mani kaya o Akeai: “‘Era va tu qori na tamata qo, e va tale ga qori na matanitu qo e mataqu,’ e kaya o Jiova, ‘e va tu qori na cakacaka kece ni ligadra, na ka kece era cabora e kea e sega ni savasava.’
15 “‘Yalovinaka, moni tugana e lomamuni* na ka qo nikua me lako yani: Ni bera ni veitaqataqai na vatu ena valenisoro i Jiova,+
16 a vakacava tu ena gauna oya? Ni lako yani e dua ina ibinibini covuata e dodonu me 20 na kena ivakarau, sa 10 ga, ni lako tale ga yani e dua ina ikeliniwaini me takiva e 50 na kena ivakarau, sa 20 ga.+
17 Au yaviti kemuni, oya na cakacaka kece ni ligamuni, ena cagi katakata, ena malai ni kau,+ kei na ucaqereqere ia e sega ni dua vei kemuni me golevi au mai,’ e kaya o Jiova.
18 “‘Yalovinaka, moni tugana e lomamuni na ka qo nikua me lako yani, ena ika24 ni siga ena ikaciwa ni vula, mai na siga e vakadavori kina na yavu ni valenisoro i Jiova,+ moni tugana e lomamuni* na ka qo:
19 Se vo na sorenikau ena lololo?*+ Se bera ni vua na vaini, na vunilolo, na vunipomekaraneti, kei na vuniolive? Tekivu nikua au na vakalougatataki kemuni.’”+
20 E vosa vei Akeai o Jiova ena ikarua ni gauna ena ika24 ni siga ni vula,+ e kaya:
21 “Mo tukuna vei Serupepeli na kovana e Juta, ‘Au na kurea na lomalagi kei na vuravura.+
22 Au na vakatoboicutaka na idabedabe vakaturaga ni veimatanitu, au na vakawabokotaka na nodra kaukaua na matanitu ena veivanua,+ au na vukica na nodra qiqi kei ira na vodoka, era na bale na ose kei ira na vodoka, o ira yadua ena iseleiwau nei tacidra.’”+
23 “‘Ena siga oya,’ e kaya o Jiova ni lewe vuqa, ‘au na kauti iko Serupepeli+ na noqu dauveiqaravi na luvei Salacieli,’+ e kaya o Jiova, ‘au na lesi iko mo vaka na mama ivakadei, ni o iko ga au digitaka,’ e kaya o Jiova ni lewe vuqa.”
iVakamacala e ra
^ Se “valenisoro.”
^ Qo na mataivalu vakalomalagi.
^ Se rawa ni, “duri tu ena kemuni maliwa na yaloqu.”
^ Se “ka domoni.”
^ Ipe., “neʹphesh.” Raica na iVakamacala ni Vosa.
^ Se “moni vakasamataka vinaka.”
^ Se “moni vakasamataka vinaka.”
^ Se “ena qara ni covuata?”
