iKarua ni Tui 19:1-37
19 Ni rogoca ga qo o Tui Esekaia e dresulaka sara na nona isulu, e vakaisulutaga qai curu ina vale i Jiova.+
2 E mani talai Eliakimi e lewa tiko na vuvale,* o Sepina na vunivola, kei na nodra qase na bete nira vakaisulutaga, mera lako vua na parofita o Aisea+ na luvei Emosi.
3 Era kaya vua: “Qo na ka e tukuna o Esekaia, ‘Na siga qo na siga ni rarawa, na siga ni cudru kei na madua, nira sa vakarau sucu na gone* ia e sega na igu mera vakasucumi kina.+
4 De rogoca o Jiova na nomu Kalou na vosa kece ni Rapisake e tala mai o tui Asiria na nona turaga me vakalialia na Kalou bula,+ ena taroga vua na vosa kece e rogoca o Jiova na nomu Kalou. Mo cabora na masu+ ena vukudra na kena vo era bula.’”
5 Era mani lako vei Aisea na dauveiqaravi nei Tui Esekaia,+
6 e tukuna sara vei ira o Aisea: “Qo na ka moni tukuna vua na nomuni turaga, ‘Qo na ka e tukuna o Jiova: “Mo kua ni rerevaka+ na vosa o rogoca era vosabeci au kina na dauveiqaravi nei tui Asiria.+
7 Au na solia vua e dua na vakasama,* ena rogoca o koya e dua na itukutuku ena lesu ina nona vanua, au na vakabalei koya ena iseleiwau ena nona vanua.”’”+
8 Ni rogoca na Rapisake ni sa biuti Lakisi+ na tui Asiria, e lesu vua qai raici koya ni valuti Lipina tiko.+
9 E rogoca sara na tui ni tukuni me baleti Tui Tiraka e Iciopea: “Sa lako mai qo o koya me valuti iko.” E mani tala eso+ tale vei Esekaia, e kaya:
10 “Qo na ka moni tukuna vei Tui Esekaia e Juta, ‘Me kua sara ni vakacalai iko na nomu Kalou o nuitaka tiko, e kaya: “Ena sega ni soli o Jerusalemi e liga i tui Asiria.”+
11 Raica! O sa rogoca na ka era cakava na tui Asiria vei ira na veivanua kece nira vakarusai ira.+ O na vakabulai ga o iko?
12 E bau vakabulai ira na veimatanitu e vakarusa na tukaqu na nodra kalou? I vei o Kosani, o Karana,+ o Resifi kei ira na lewe i Iteni era tiko e Tilasari?
13 I vei na tui Emaci, na tui Apati, na tui ni koro e Sifavemi, na tui Ena kei Iva?’”+
14 E taura mai o Esekaia na ivola mai na ligadra na italai me wilika. Oti e lako cake o Esekaia ina vale i Jiova qai tevuka e mata i Jiova.+
15 E masu sara vei Jiova o Esekaia,+ e kaya: “Kemuni Jiova na Kalou ni Isireli, oni toka e cake vei rau na jerupi,+ o kemuni duadua ga na nodra Kalou dina na veimatanitu kece e vuravura.+ Oni bulia na lomalagi kei na vuravura.
16 Moni vakatudaliga mada, kemuni Jiova, moni rogoca!+ Moni dolava na matamuni,+ kemuni Jiova, moni raica! Moni rogoca na itukutuku i Senakaripi e vakauta mai me vakalialia na Kalou bula.
17 E dina taucoko, kemuni Jiova, nira vakarusa na tui Asiria na veimatanitu kei na nodra vanua.+
18 Era kolotaka na nodra kalou ina bukawaqa nira sega ni kalou,+ era cakacakaniliga ga ni tamata,+ na kau kei na vatu. Oya na vuna era vakarusa rawa kina.
19 Ia qo, kemuni Jiova na neimami Kalou, yalovinaka moni vakabulai keimami mai na ligana, mera kila kina na veimatanitu kece e vuravura ni o kemuni ga Jiova na Kalou duadua ga.”+
20 E vakauta na itukutuku qo o Aisea na luvei Emosi vei Esekaia: “Qo na ka e tukuna o Jiova na Kalou ni Isireli, ‘Au sa rogoca na ka o masuti+ au kina me baleti Senakaripi na tui Asiria.+
21 Qo na vosa e tukuna o Jiova me cudruvi kina:
“E beci iko na goneyalewa ni Saioni, e vakalialiai iko.
E kurea vei iko na uluna na goneyalewa ni Jerusalemi.
22 O cei o vakalialia, o vosabeca?+
O tabalaka vei cei na domomu+O rai cake kina ena mata viavialevu?
Vua na Yalosavasava ni Isireli!+
23 O vakalialiai Jiova+ ena gusudra na nomu italai,+ o kaya,‘Ena levu ni noqu qiqinivaluAu na cabeta na veiulunivanua cecere,Na veivanua yawa kei Lepanoni.
Au na taya na kena sitari babalavu, na kena vunijunipa vinaka.
Au na curuma na kena idrodro yawa duadua, na kena veikauloa.
24 Au na kelia na toevu, au na gunuva na wai ni vanuatani,Au na vakamacara na uciwai* kece e Ijipita ena qeteqete ni yavaqu.’
25 O sega ni rogoca? Ni a nakiti* ena gauna makawa sara.+
Au a vakarautaka ena gauna sa sivi.+
Ia qo au na vakayacora.+
O na vukica na koro vakabai me ibinibini benu.+
26 Era na malumalumu na lewena,Era na domobula ra qai madua.
Era na vaka na co ni vanua kei na co drokadroka,+Me vaka na co ni delanivale e raqosa ni liwava na cagi na tokalau.
27 Ia au kila vinaka na nomu dabe, na nomu lako yani, na nomu lako mai,+Kei na nomu cudruvi au,+
28 Ni sa yaco mai daligaqu+ na nomu cudruvi au+ kei na nomu viavialevu.
Au na curumaka na noqu iqila e ucumu kei na noqu varaele+ ena maliwa ni tebenigusumu,Au na tuberi iko lesu ena sala o muria mai.”+
29 “‘Qo na kena ivakatakilakila vei iko:* Ena yabaki qo oni na kania na ka e tubu wale ga,* ena ikarua ni yabaki oni na kania na covuata e tubu mai kina,+ ia ena ikatolu ni yabaki oni na kaburaka na sorenikau moni tamusuka, oni na tea na loganivaini moni kania na vuana.+
30 O ira na dro bula ena vuvale i Juta, o ira na vo,+ ena lako sobu na wakadra ra qai vua cake.
31 Era na biuti Jerusalemi e dua na kena vo kei ira na dro mai Ulu i Saioni. Ena vakayacora qo na yalogu i Jiova ni lewe vuqa.*+
32 “‘Ia qo na ka e tukuna o Jiova me baleti tui Asiria:+
“Ena sega ni lako mai ina koro qo+Se vanataka e kea e dua na gasauSe sabaya ena dua na isasabaiSe vakaduria kina e dua na bainivalu.+
33 Ena lesu ga ena sala e muria mai,Ena sega ni lako mai ina koro qo,” e kaya o Jiova.
34 “Au na taqomaka na koro qo+ meu vakabula ena vukuqu,+Ena vuku i Tevita tale ga na noqu dauveiqaravi.”’”+
35 Ena bogi ga oya, e lako yani na agilosi i Jiova me ravuta e 185,000 na tagane ena nodra keba na kai Asiria.+ Nira yadra ena matakacaca na tamata, era raica na yago mate kece.+
36 E biubiu sara o Tui Senakaripi e Asiria me lesu i Ninive+ me tiko kina.+
37 Ni cuva tiko ena vale* i Nisiroki na nona kalou, erau qai vakamatei koya ena iseleiwau+ o Etirameleki kei Saresa, o rau ga na luvena tagane, erau mani dro ina vanua o Ararata.+ E tui sara o Esatoni+ na luvena me sosomitaki koya.
iVakamacala e ra
^ Se “valenitui.”
^ Ipe., “vakarau curu mai na katonigone.”
^ Ipe., “ivakarau ni yalo.”
^ Se na “basoga ni Naile.”
^ Ipe., “cakava.”
^ Se “tubu mai na sorenikau sa lutu.”
^ Oya o Esekaia.
^ Qo na mataivalu vakalomalagi.
^ Se “burekalou.”
