iMatai ni iVola Vei Ira mai Korinia 8:1-13
8 Ena vuku ni kakana e cabori ina matakau:+ Eda sa kila kece tu na ka qori.+ Na kilaka e vakavuna na dokadoka, ia na loloma e veiuqeti.+
2 Ke dua e nanuma ni sa kila e dua na ka, e se sega ni kila na ka qori ena kena ivalavala e dodonu me kilai kina.
3 Ia ke dua e lomana na Kalou, e kilai koya na Kalou.
4 Ena vuku ni kena laukana na kakana e cabori ina matakau, eda kila ni ka wale e vuravura na matakau,+ ia e dua ga na Kalou.+
5 Era tu eso era vakatokai mera kalou mai lomalagi se vuravura,+ ni levu na “kalou,” e levu tale ga na “turaga,”
6 ia vei keda e dua ga na Kalou+ na Tamada,+ o koya e bulia na ka kece, e vakatau vua na noda bula,+ e dua ga na noda Turaga, o Jisu Karisito, e vakayagataki koya na Kalou me bulia na ka kece,+ eda bula ena vukuna.
7 Eda sega ni kila kece na ka qo.+ Me yacova mai qo, eso era se nanuma tiko ga na matakau. Ena gauna era kana kina era nanuma ni cabori na kakana qori ina matakau,+ e vakadukara kina na nodra lewaeloma, ni malumalumu.+
8 Ia ena sega ni vakadonui keda na Kalou ena vuku ni kakana.+ Ke da sega ni kana, eda na sega ni vakayalia e dua na ka, ke da kana, eda na sega ni dokai kina.+
9 Ni qarauna mera kua ni tarabe na malumalumu ena nomuni galala ni vakatulewa.+
10 Ke tiko vei iko na kila qai raici iko e dua ni o dabe tiko mo kana ena valenisoro ni matakau, vakacava ena doudou o koya e malumalumu nona lewaeloma me kania na kakana e vakacabori ina matakau?
11 O koya gona, na ka oni kila sa na vakaleqai kina o koya e malumalumu, na tacimu a mate ena vukuna o Karisito.+
12 Ni oni vakacalai ira na tacimuni va qori, oni qai vakamavoataka na nodra lewaeloma sa malumalumu tu,+ oni sa cala tiko vei Karisito.
13 Oya na vuna ke tarabe na taciqu ena vuku ni kakana, au na sega ni kania tale vakadua na lewe ni manumanu, meu kua kina ni vakatarabetaka na taciqu.+
