iMatai ni iVola Vei Ira mai Korinia 13:1-13

  • Loloma, na ivakarau uasivi (1-13)

13  Keu vosataka na nodra vosa na tamata kece kei na nodra vosa na agilosi ia e sega vei au na loloma, au sa vaka ga na rorogo karakaraivisa ni varasa kei na tatamosamosa ni sibali.  Ke tu vei au na isolisoli ni parofisai, meu kila na ka vuni tabu kece kei na vuku kece ga,+ ke tu tale ga vei au na vakabauta meu tosoya kina na veiulunivanua qai sega vei au na loloma, au sa sega ni dua na ka.+  Keu solia na ka kece au taukena mera vakani kina eso tale,+ keu solia tale ga na noqu bula meu rogo kina ia e sega vei au na loloma,+ e sega sara ga ni yaga vei au.  Na loloma+ e vosovoso*+ qai yalovinaka.+ Na loloma e sega ni vuvu,+ e sega ni tukutukuni koya, e sega ni dokadoka,+  e sega ni cakava na ka e sega ni rakorako,*+ e sega ni kauaitaka ga na ka e baleti koya,+ e sega ni cudrucudru.+ E sega ni katona na ca.*+  E sega ni marautaka na ka e sega ni dodonu,+ e marautaka ga na dina.  E ubia na ka kece,+ e vakabauta na ka kece,+ e nuitaka na ka kece,+ e vosota na ka kece.+  E sega vakadua ni seavu na loloma. Na isolisoli ni parofisai ena oti yani, na duivosavosa ena mudu, na vuku ena oti yani.  E sega ni taucoko na noda kilaka,+ e sega tale ga ni taucoko noda parofisai, 10  ia ni sa na yaco mai na ka e taucoko, sa na qai oti na ka e vakatikina. 11  Niu se gone, au dau vosa vagone, au vakanananu vagone, au vakasama vagone, ia qo niu sa qase mai, au sa biuta tani na itovo vagonegonea. 12  Ena gauna qo e vaka eda se titiro ena iloilo kaukamea e buawa, ia e muri eda sa na veirai mata sara ga. Ena gauna qo au se kila vakatikina, ia e muri au na qai kila vinaka me vaka ga na noqu kilai vinaka. 13  Ia ena dei tu ga na tolu na ka qo: na vakabauta, na inuinui, na loloma, ia e uasivi duadua vei ratou qo na loloma.+

iVakamacala e ra

Se “e vosota vakadede.”
Se “sega ni veibeci.”
Se “na cala.”