iMatai ni Joni 3:1-24
3 Ni raica mada na levu ni nona lomani keda na Tamada,+ meda vakatokai kina meda luve ni Kalou,+ eda vaka dina kina. Oya na vuna e sega ni kilai keda kina o vuravura+ baleta ni sega ni kila na Kalou.+
2 Kemuni na wekaqu lomani, qo eda sa luve ni Kalou,+ e se sega ga ni matata na veika e baleti keda ena gauna se bera mai.+ Eda kila ni gauna ena vakaraitaki mai kina eda na vakataki koya, nida sa na raici koya sara ga.
3 O ira kece na nuitaki koya era na vakasavasavataki ira,+ me vaka ni savasava o koya.
4 O ira kece era valavala ca tiko era beca na lawa, o koya gona, na beci ni lawa e okati me ivalavala ca.
5 Oni kila tale ga ni vakaraitaki mai o Jisu me kauta tani na noda ivalavala ca,+ ia e sega mada ga na nona ivalavala ca.
6 O ira kece era duavata kei koya era sega ni valavala ca tiko ga,+ ia o koya e valavala ca tiko ga e sega ni raici koya se kilai koya.
7 Ragone, me kua ni dua e vakacalai kemuni, o koya e cakava tiko ga na ka dodonu e yalododonu, me vaka ni yalododonu o koya.
8 O koya e valavala ca tiko ga e tovata kei na Tevoro, baleta ni se valavala ca tiko mai na ivakatekivu na Tevoro.+ Qo na vuna e vakaraitaki mai kina na Luve ni Kalou, me mai vaqeavutaka na cakacaka ni Tevoro.+
9 Era sega ni cakava na ivalavala ca o ira na sucu mai vua na Kalou,+ ni tiko vei ira yadua na yalona tabu,* era na sega gona ni ivalavala ca tiko, nira sucu mai vua na Kalou.+
10 Na ka qo era na kilai kina na luve ni Kalou kei ira na luve ni Tevoro: O koya e sega ni cakava tiko na ka dodonu e sega ni tovata kei na Kalou, e vaka kina o koya e sega ni lomani tacina.+
11 Qo ga na itukutuku oni a rogoca mai na ivakatekivu, oya meda veilomani,+
12 meda kua ni vakataki Keni, o koya e tovata kei na vunica, ni labati tacina.+ Ia na cava e labati koya kina? Ni torosobu na nona ivalavala,+ ia e dodonu na ivalavala i tacina.+
13 Ni kua ni kurabui raveitacini ke cati kemuni o vuravura.+
14 Eda kila nida a mate tu ia qo eda sa bula,+ baleta nida lomani ira na tacida.+ O koya e sega ni dau loloma e sa mate ga.+
15 O ira kece era cata na tacidra era daulaba,+ ia oni kila ni sega ni dua na daulaba ena rawata na bula tawamudu.+
16 Na ka qo eda kila kina na loloma, ni a solia o koya nona bula ena vukuda,+ e noda itavi gona meda solia tale ga na noda bula ena vukudra na tacida.+
17 Ia ke dua e tu vua na ka kece ni vuravura qo, qai raica na tacina ni leqa tu ia e bese ni yalololoma vua, ena kaya vakacava ni lomana na Kalou?+
18 Ragone, meda kua ni loloma ga e gusu se na vosa,+ me vakavotukana,+ me dina na noda loloma.+
19 Na ka qo eda kila kina nida tovaka na dina, eda lomadei tale ga kina e matana
20 se mani cava e beitaki keda kina na lomada, ni uasivia na lomada na Kalou, e kila tale ga na ka kece.+
21 Kemuni na wekaqu lomani, ke sega ni beitaki keda na lomada, eda na doudou meda vosa vua na Kalou,+
22 na ka kece tale ga eda kerea vua ena solia vei keda,+ nida muria tiko na nona ivunau, eda vakayacora tale tiko ga na ka e donu e matana.
23 Qo sara ga na nona ivunau: meda vakabauta na yaca i Luvena o Jisu Karisito+ da qai veilomani+ me vaka ga e vakarota vei keda.
24 Kena ikuri, o ira na muria na nona ivunau era na duavata tiko ga kei koya, ena duavata tale ga kei ira o koya,+ eda kila tale ga kina ni na duavata tiko ga kei keda o koya me salavata kei na yalona e dau vukei keda.+
iVakamacala e ra
^ Kir., “na nona kawa.”
