iMatai ni Joni 1:1-10
1 Keitou volavola tiko yani vei kemuni me baleti koya a bula mai na ivakatekivu, o koya e kauta mai na vosa ni bula keitou rogoca,+ keitou raica sara ga e mata i keitou, keitou wanonova, keitou tara tale ga e liga i keitou,
2 (io, a vakatakilai vei keitou na bula, keitou sa raica, keitou vakadinadinataka,+ keitou sa tukuna tale ga vei kemuni. Na bula tawamudu qo+ e solia o Tamada, sa vakatakilai tale ga vei keitou),
3 me vaka eda raica eda rogoca, keitou sa tukuna tale yani vei kemuni+ me rawa nida veitokani kina. Na noda veitokani tale ga qo eda sa veitokani tiko kina kei na Tamada, vaka kina na Luvena o Jisu Karisito.+
4 Oya na vuna keitou vola yani kina na ka kece qo me taucoko kina noda marau.
5 Qo na itukutuku keitou a rogoca vua, keitou tukuna tiko yani qo vei kemuni: E rarama na Kalou,+ e sega sara ga vua* na butobuto.
6 Ke da kaya: “Eda veitokani vata kei koya,” eda qai lako voli ena butobuto, eda sa lasu, eda sega ni bulataka na dina.+
7 Ia ke da lako tiko ena rarama me vaka ni tiko o koya ena rarama, eda sa veitokani, e vakasavasavataki keda mai na noda ivalavala ca kece na dra i Jisu, na Luvena.+
8 Ke da kaya: “E sega noda ivalavala ca,” eda sa vakacalai keda tiko ga,+ e sega vei keda na dina.
9 Ke da vakatusa noda ivalavala ca, ena vosota na noda ivalavala ca, ena vakasavasavataki keda tale ga mai na ka kece e sega ni dodonu+ baleta ni yalodina o koya, e yalododonu tale ga.
10 Ke da kaya: “Eda se sega ni valavala ca,” eda sa vakalasui koya, e sega ni tiko vei keda na nona vosa.
iVakamacala e ra
^ Se “sara ga ni duavata kei.”
