Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Era Daulaba na Timoni!

Era Daulaba na Timoni!

Sa dau nona ivalavala tu ga mai o Setani kei ira nona timoni na veivakatotogani kei na itovo kaukaua. Ena dua na gauna e liu, e vakamatea o Setani na manumanu kei ira na dauveiqaravi nei Jope, na turaga yalodina. Sa qai vakamatei iratou na tini na luve i Jope ena nona vakaliwava e dua “na cagi levu” me vakabalea na vale eratou soqo tiko kina. Oti oya, sa qai yaviti Jope o Setani ena “vidikoso, mai na qeteqete ni yavana ka cavaraka na buradelana.”—Jope 1:7-19; 2:7.

Ena nona gauna o Jisu, era yavita e so na tamata na timoni mera galu se mataboko. (Maciu 9:32, 33; 12:22) Era vakararawataka e dua na tagane ra qai uqeti koya me tavatavalaki koya ena vatu. (Marika 5:5) Era vakatagica tale ga e dua na gonetagane, era tavulaki koya ina qele, ra qai “bitabitalaka.”—Luke 9:42.

Ena veigauna sa oti, era vakatauvimatetaka e so na tamata na timoni, e so tale era bitabitalaka

Sa qai kaukaua ga na vakacaca i Setani kei ira na timoni nikua. Sa levu sara nodra cakacaka velavela me tekivu mai na gauna era kolotaki kina mai lomalagi. E vakadinadinataki na nodra itovo ca ena itukutuku e tauri mai na veiyasa  i vuravura. Era dau veivakatauvimatetaki. Era dau saga e so ena bogi mera sega ni moce rawa kina, se ra lai tatawai kina vakalevu. E so e dau yamoci nodra ka vakatagane se ka vakayalewa. E so tale era vakasagai me yacova ni sa lai ca na uludra, se mera lialia sara, se mera lai tini laba, se vakamatei ira ga vakataki ira.

Era itovo voravora e so na tamata nikua ena nodra veivakamuai na timoni; era dau vakasaga e so ena bogi, mera tatawai kina vakalevu

E talanoataka o Lintina, e tiko mai Suriname, ni dua na timoni, se yalo velavela e vakamatei iratou e le 16 nona lewenivuvale, qai vakararawataki koya me 18 na yabaki, e vakaleqa tale ga nona vakasama. Mai na ka sara ga e sotakaya, e kaya ni o ira na timoni “era dau marautaka mera vakararawataka e dua me yacova sara nona mate vakararawa.”

Ia o Jiova e rawa ni taqomaka na nona tamata mai na sasaga i Setani.—Vosa Vakaibalebale 18:10.