Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 10

Veiveisau na Rorogo ni Domo

Veiveisau na Rorogo ni Domo

Vosa Vakaibalebale 8:4, 7

IVAKAMACALA LEKALEKA: Me matata qai veiuqeti nomu ivakamacala ni veiveisau na rorogo ni domomu.

KENA ICAKACAKA:

  • Rogo levu se rogo lailai. Me rogo levu na domomu ni o vakabibitaka eso na tikina qai uqeti ira na vakarorogo. Me va tale ga qori ke o wilika e dua na tikinivolatabu e okati kina na vakatauitotogi. Ni rogo lailai na domomu era na namaka na vakarorogo ni vakarau veisau na ka o tukuna me vakilai kina na taqaya se rere.

  • Kaukaua cake se malumu sobu. Ke veiganiti ena nomu vanua, me kaukaua cake nomu vosa me bulabula kina na ka o tukuna se nomu vakamacalataka na levu ni dua na ka se na kena yawa. Me malumu na rorogo ni domomu ni o vakamacalataka na veika me baleta na rarawa kei na nuiqawaqawa.

  • Totolo se berabera. Vosa vakatotolo ke tukuni e dua na itukutuku marautaki. Vosa vakaberabera ni o vakabibitaka eso na tikina.