Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 8

Vakaitokani Vinaka o Josaia

Vakaitokani Vinaka o Josaia

Vakacava e rawarawa meda cakava na ka dodonu?— Levu era nanuma ni dredre. E tukuna na iVolatabu ni a dredre dina me cakava na ka dodonu na cauravou o Josaia. Ia era vukei koya na nona itokani vinaka. Meda raica mada eso na ka me baleti Josaia kei na nona itokani.

Na tamai Josaia o Emoni, dua na tui e Juta. Levu na ka ca e cakava, e qaravi matakau tale ga. A tui Juta o Josaia ni sa mate o tamana ni se qai yabaki walu ga! Vakacava e cakava na ka ca me vakataki tamana?— Sega!

Erau veivukei o Josaia kei Jeremaia me rau cakava na ka dodonu

Ena gauna mada ga se gone kina, a vinakata o Josaia me vakarorogo vei Jiova. E mani digitaki ira ga era lomani Jiova mera nona itokani. O ira qori era vukei Josaia me cakava na ka dodonu. O cei soti na itokani i Josaia?

Dua vei ira na parofita o Sefanaia, a vakasalataki ira na lewe i Juta nira na sotava na leqa ke ra qaravi matakau. A  rogoci Sefanaia o Josaia qai sokaloutaki Jiova, a sega ni qaravi matakau.

Dua tale na itokani i Josaia o Jeremaia. Erau via yabaki vata ga qai veivolekati na vanua rau susu kina. E laurai na nodrau veitokani dredre ena dua na sere e vola o Jeremaia me vakaraitaka kina na levu ni nona nanumi Josaia ni sa takali. Erau veivukei o Jeremaia kei Josaia me rau cakava na ka dodonu rau qai vakarorogo vei Jiova.

Vakasalataki ira na lewenivanua o Sefanaia mera kua ni qaravi matakau

Cava o vulica vei Josaia?— A vinakata o Josaia me cakava na ka dodonu ena gauna mada ga se gone kina. E kila ni dodonu me veitokani kei ira era lomani Jiova. Nanuma tiko mo digitaki ira na lomani Jiova mera nomu itokani, nira na vukei iko mo cakava na ka dodonu!

WILIKA ENA NOMU IVOLATABU