Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 1

Marau Nida Kila na ka Vuni

Marau Nida Kila na ka Vuni

Sa bau tukuni vei iko e dua na ka vuni?— * Na iVolatabu e vakamacalataka e dua na ka vuni e vakatokai “na ka vuni tabu.” E ka tabu ni vu vakalou. E tukuni tale ga ni ka vuni baleta ni sega ni dua e bau kila. O ira mada ga na agilosi era via kila e levu tale na ka me baleta na ka vuni tabu qori. Vakacava o via kila tale ga?—

Cava era via kila tu na agilosi?

Ena dua na gauna makawa sara, a bulia na imatai ni tagane kei na yalewa na Kalou. Na yacadrau o Atama kei Ivi. E qai biuti rau ena dua na were totoka e vakatokai na were o Iteni. Ke rau vakarorogo vua na Kalou, a rawa sara ga ni parataisi na vuravura taucoko rau qai bula tawamudu kina kei na nodrau kawa. O se nanuma tiko na cava rau qai cakava o Atama kei Ivi?—

Erau sega ni vakarorogo vua na Kalou, qori na vuna eda sega ni bula tu kina nikua ena parataisi. Ia e tukuna na Kalou ni na totoka na bula e vuravura ra qai marau tawamudu na kawatamata. Ena yaco vakacava ya? A vunitaki qai sega tu ni kilai qori ena dua na gauna balavu.

E levu tale na ka e vakavulica o Jisu me baleta na ka vuni ni mai bula e vuravura. A tukuna ni ka vuni qori e baleta na Matanitu ni Kalou. E kaya meda masuta me yaco mai na Matanitu qo ni na vukica na vuravura me parataisi.

Vakacava o marau ni o kila na ka vuni qo?— Nanuma tiko nira na bula ga ena Parataisi o ira na vakarorogo vei Jiova. Era talanoataki ena iVolatabu e levu na tagane kei na yalewa era vakarorogo vei Jiova. O via kilai ira?— Meda raica mada eso na kena ivakaraitaki, kei na sala eda rawa ni muria kina na ka era cakava.

^ para. 3 O na raica ena italanoa kece qo na itoqa balavu (—) ena yasa ni so na taro. E vinaka mo cegu me sauma o luvemu na taro.