Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 5

Na Waluvu Levu—O Cei a Vakarorogo? O Cei a Sega?

Na Waluvu Levu—O Cei a Vakarorogo? O Cei a Sega?

E levu era caka ca ena gauna i Noa. Vakatekivu 6:5

A tawa na vuravura ni rau vakaluveni o Atama kei Ivi. Toso na gauna, era tomani Setani eso na agilosi ena nona veivorati.

Era lako mai vuravura, vukici ira mera tamata me rawa nira vakawatitaki ira na yalewa. Era sucu kina na gone yagolevu, era kaukaua qai voravora nodra itovo.

E levu kina e vuravura na tamata era dau caka ca. E tukuna na iVolatabu ni “levu sara na ivakarau ca ni tamata e vuravura, qai ca na nanuma ni lomadra ena gauna kece ga.”

 A vakarorogo vua na Kalou o Noa qai ta na waqa. Vakatekivu 6:13, 14, 18, 19, 22

A turaga vinaka o Noa. A tukuna vua o Jiova ni na vakarusai ira na tamata ca ena dua na waluvu levu.

A vakarota na Kalou me ta e dua na waqa vakaitamera o Noa qai vakavodoki ratou kina na nona lewenivuvale kei na veimataqali manumanu.

A veivakasalataki o Noa me baleta na Waluvu, ia e levu era sega ni vakarorogo. Eso era vakalialiai Noa, eso tale era cati koya.

Ni ta oti na waqa, a vakavodoki ira na manumanu o Noa.