LESONI 7
O Cei o Jisu?
A talai Jisu mai vuravura o Jiova. 1 Joni 4:9
Ke da via vakamarautaki Jiova, meda vakarorogo vei Luvena. Ni se bera sara ni buli Atama o Jiova, a bulia e dua na kabula vakayalo kaukaua mai lomalagi.
Oti sa qai talai koya mai o Jiova me mai sucu e Peceliema vei Meri e dua na goneyalewa se sega ni taratagane. A qai vakayacani na gone me o Jisu.—Joni 6:38.
Ni mai bula e vuravura, a vakatotomuria vinaka sara o Jisu na nona itovo na Kalou. A dau yalovinaka, dauloloma qai torovi rawarawa. A yaloqaqa tale ga ni veivakavulici ena ka dina me baleti Jiova.
A cati o Jisu, dina ga ni dau caka vinaka. 1 Pita 2:21-24
Era cati Jisu na iliuliu ni lotu ni vakavotuya na nodra ivakavuvuli lasu kei na nodra itovo ca.
A vakabulai ira na tauvimate o Jisu, a vakaturi ira tale ga eso era mate.
O ira na iliuliu ni lotu era lasutaka na veika me baleti Jisu vei ira na iliuliu kei Roma me rawa nira mokulaki koya ra qai vakamatea.
