LESONI 1

Eda na Vakarorogo Vakacava Vua na Kalou?

SARAVA/ROGOCA

E vosa vei keda na Kalou ena iVolatabu. 2 Timoci 3:16

A dusimaki ira na tagane na Kalou dina mera vola na nona vakasama ena dua na ivola vakasakiti. Qori na iVolatabu. E volai kina na itukutuku bibi e vinakata na Kalou mo kila.

E kila na Kalou na veika e vinaka duadua vei keda, e iVurevure tale ga ni vuku. O na vuku ni o vakarorogo vua.—Vosa Vakaibalebale 1:5.

E vinakata na Kalou meda wilika na iVolatabu na lewe i vuravura. Sa tabaki nikua na iVolatabu ena levu na vosa.

Ke o vinakata mo vakarorogo vua na Kalou, e bibi mo wilika na iVolatabu mo kila tale ga na ka e tukuna.

E levu era sa vakarorogo tiko e veiyasa i vuravura. Maciu 28:19

Era rawa ni vukei iko na iVakadinadina i Jiova mo kila na iVolatabu.

Era dau veivakavulici e veiyasa i vuravura ena ka dina me baleta na Kalou.

Na nodra veivakavulici e sega ni saumi. O rawa ni vulica tale ga na veika me baleta na Kalou ena Vale ni Soqoni, na nodra vanua ni sokalou na iVakadinadina i Jiova.