Raica sara na lewena

Raica na lewenivola

 KATO NI VEIVAKAVULICI 10B

Erau Veisemati Vakacava na “Sui Mamaca” kei na ‘Rua na iVakadinadina’?

Erau Veisemati Vakacava na “Sui Mamaca” kei na ‘Rua na iVakadinadina’?

E VAKAYACORI ena 1919 e rua na parofisai erau veisemati: dua e baleta na “sui mamaca,” kena ikarua na ‘rua na ivakadinadina.’ Na raivotu me baleta na “sui mamaca” e dusia e dua na gauna balavu (qo e vica vata na senitiuri) e qai lai oti ni sa vakabulai e dua na ilawalawa levu ni tamata ni Kalou. (Isik. 37:2-4; Vkta. 11:1-3, 7-13) Na parofisai me baleta na ‘rua na ivakadinadina’ e dusia e dua na gauna lekaleka (e vakayacori ena icavacava ni 1914 ina itekitekivu ni 1919) ena lai oti ni sa vakabulai e dua na ilawalawa lailai ni dauveiqaravi ni Kalou. Na parofisai ruarua qori e dusia na veivakaturi vakaivakatakarakara. Erau vakayacori ruarua tale ga ena 1919 ena gauna e vakavuna kina o Jiova mera “tucake e yavadra” na nona dauveiqaravi lumuti, mera sereki vei Papiloni na Ka Levu, mera qai kumuni tale ena ivavakoso.​—Isik. 37:10.

Ia nanuma tiko e dua na tikina bibi erau duidui kina na parofisai qo. Na parofisai ni “sui mamaca” e dusia na nodra bula tale na ivovo ni lumuti kece. Ia na parofisai ni ‘rua na ivakadinadina’ e dusia na nodra bula tale eso na ivovo ni lumuti ni Kalou​—o ratou na lesi me ratou liutaka na isoqosoqo ratou qai digitaki me “dauveiqaravi yalodina e vuku.”​—Maciu 24:45; Vkta. 11:6. *

Na “Buca e Sinai tu Kina na Sui”​—Isik. 37:1

  1. OTI NA 100 G.V.

    Mai na ikarua ni senitiuri G.V. nira vakamatei vakaivakatakarakara na ivavakoso vaKarisito lumuti, e sinai tu na “sui” ena “buca”

  2. ITEKITEKIVU NI 1919

    1919: E bula tale na “sui mamaca” ni vakavuna o Jiova mera biuti Papiloni na Ka Levu na lumuti kece ra qai lai kumuni vata tale ena ivavakoso

‘Rua na iVakadinadina’​—Vkta. 11:3

  1. ICAVACAVA NI 1914

    vunau “ena isulutaga”

    1914: Vunau “ena isulutaga” e ‘rua na ivakadinadina’ me tolu veimama na yabaki. Ena icavacava ni gauna qori, erau qai vakamatei vakaivakatakarakara

  2. mate vakaivakatakarakara

  3. ITEKITEKIVU NI 1919

    1919: Erau bula tale na ‘rua na ivakadinadina’ ni ratou lesi me ratou liutaka na isoqosoqo e dua na ilawalawa lailai ­eratou lumuti, eratou tagane ratou qai lesi me ­“dauveiqaravi yalodina e vuku”

^ para. 4 Raica Na Vale ni Vakatawa ni Maji 2016 “Taro na Dauwiliwili.”