Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 KATO NI VEIVAKAVULICI 16A

E Vakatayaloyalotaki Lotu ni Veivanua vaKarisito o Jerusalemi?

E Vakatayaloyalotaki Lotu ni Veivanua vaKarisito o Jerusalemi?

Ena veigauna sa oti, e dau vakamacalataki ena noda ivola ni vakatayaloyalotaki lotu ni Veivanua vaKarisito o Jerusalemi vukitani. Na nodra qaravi matakau o ira na tawayalodina e Jerusalemi kei na takalevu ni ivakarau ca, eda nanuma kina na ka e yaco tiko vei lotu ni Veivanua vaKarisito. Ia ena dua na gauna tiko ga qo, sa sega ni tabaki ena noda ivola na parofisai me vakatayaloyalotaka e dua na ka, vakavo ke vakamatatataki tu ena iVolatabu. Vakacava e tiko na yavu vakaivolatabu ni vakatayaloyalotaki lotu ni Veivanua vaKarisito o Jerusalemi makawa? Sega.

Dikeva mada e vica na tikina qo: Dau kilai tu ena dua na gauna o Jerusalemi me vanua ni sokalou savasava; toso na gauna era qai vukitani na lewena. E duidui kina o lotu ni Veivanua vaKarisito ni se sega vakadua ni muria na sokalou savasava. Tekivu sara mai na ikava ni senitiuri G.V., sa dau vakavuvulitaka na ka lasu o lotu ni Veivanua vaKarisito.

Ni oti tale ga nodra vakarusai Jerusalemi na kai Papiloni, e vakadonuya tale na koro qori o Jiova, yaco tale me vanua ni sokalou savasava. Ia o lotu ni Veivanua vaKarisito a sega vakadua ni vakadonui koya na Kalou, ena sega tale ni kune ni sa vakarusai ena siga ni veivakararawataki levu.

Na cava gona eda na rawa ni tukuna ena ivakamacala kece qo? Nida dikeva na parofisai vakaivolatabu a vakayacori vei ira na lewe i Jerusalemi tawayalodina, eda na rairai tukuna, ‘Qo e vaka sara ga na ka e yaco tiko vei lotu ni Veivanua vaKarisito nikua.’ Ia e sega na yavu vakaivolatabu me dusia ni vakatayaloyalotaki lotu ni ­Veivanua vaKarisito o Jerusalemi makawa.