Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Mawi: Vunau e dua na painia e Korea, 1931; matau: Vunau ena vosa vagalu e Korea nikua

 IWASEWASE 2

Vunautaki na Matanitu ni Kalou​—Vunautaki na iTukutuku Vinaka e Vuravura Raraba

Vunautaki na Matanitu ni Kalou​—Vunautaki na iTukutuku Vinaka e Vuravura Raraba

 O YADRA vakamataka, o vakavakarau sara mo gole ena cakacaka vakaitalatala ena dua na siga o cegu kina mai na cakacaka. O lomalomarua, o wawale tale ga. O vinakata dina mo vakacegu! Ia o masulaka, o qai vakadeitaka mo gole mada ga. Drau cakacaka vata sara kei na dua na ganeda yalodina sa itabaqase, qai tarai iko na nona yalovinaka kei na nona vosota. Ni o vunautaka na ka dina e veivale, o vakasamataka sara nira vunau tale tiko ga va qori na tacimu e veiyasa i vuravura, e tautauvata na ivola eda vakayagataka kei na ka eda vakavulici kina. Ni o lesu i vale, o vakila ni vaka e soli tale vei iko e dua na igu. O marau sara ga ni o sega ni tiko ga e vale!

Na cakacaka vakaitalatala e cakacaka bibi duadua ni Matanitu ni Kalou ena gauna qo. E parofisaitaka o Jisu ni na vakatubuqoroqoro na ivakatagedegede ni cakacaka vakavunau ena iotioti ni veisiga. (Maciu 24:14) Sa vakayacori vakacava nona parofisai? Eda na dikeva ena iwasewase qo se o cei era na vunau, na iwalewale kei na iyaragi e laulau mera vukei kina na milioni vakacaca ena veiyasa i vuravura mera vakabauta ni dua dina na matanitu na Matanitu ni Kalou.

ENA IWASEWASE QO

WASE 6

O Ira na Vunau​—Era iTalatala Yalorawarawa

Cava e nuidei kina o Jisu nira na yalorawarawa e levu mera vunau ena iotioti ni veisiga? O na vakaliuca tiko ga vakacava na Matanitu ni Kalou?

WASE 7

iWalewale ni Vunau​—Vakayagataka na iWalewale Kece

Dikeva na iwalewale vakasakiti era vakayagataka na tamata ni Kalou mera rogoca kina e levu na itukutuku vinaka ni bera na icavacava.

WASE 8

iYaragi ni Vunau​—iVola e Vakarautaki me Vakayagataki e Vuravura Raraba

E vakadinadinataki vakacava ena cakacaka ni vakadewa ni tokoni keda o Jisu? O vakadeitaka vakacava mai na ivola era tabaki ni tiko dina na Matanitu ni Kalou?

WASE 9

Veika e Rawati ena Vunau​—“Na Were . . . sa Matua Vinaka Tu”

A vakavulici ratou na nona tisaipeli o Jisu ena rua na ka bibi me baleta na tatamusuki levu vakayalo. E yaga vakacava qori vei keda nikua?