Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Mawi: Vesu e dua na tacida ni vunau tiko e Eindhoven, Necaladi, 1945; matau: E taqomaki vakalawa na nomu dodonu mo vunau ena nomu vanua?

 IWASEWASE 4

Qaqa na Matanitu ni Kalou​—Vakalawataki na Vunautaki ni Matanitu ni Kalou

Qaqa na Matanitu ni Kalou​—Vakalawataki na Vunautaki ni Matanitu ni Kalou

 NI O vunau tiko e veivale, o rogoca ni tagi vakayawa mai e dua na sici. E toso voleka tiko ga mai. Ni o vosa tiko vua na itaukeinivale tarava, e kauai vakalevu o kemu isa ni sa kele mai na motoka ni ovisa. E sobu mai e dua na ovisa qai taroga, “O kemudrau qo drau lako tiko e veivale mo drau vakamacalataka na iVolatabu? E levu era qiri tiko yani nira sega ni taleitaki kemuni!” O sauma ena veidokai na nona taro qai tukuna ni o dua na iVakadinadina i Jiova. Na cava e qai yaco?

Ena vakatau vakalevu qori ena ka e dau yaco ena veigauna sa oti. Na cava e dau cakava ena veigauna sa oti na matanitu ena nomu vanua ena veika me baleti keda na iVakadinadina i Jiova? Vakacava e soli tu na galala ni sokalou? Ke vaka kina, e rairai rawa qori ena nodra ‘valataka kei na nodra vakalawataka na itukutuku vinaka’ na tacida vakayalo ena veigauna sa oti. (Fpai. 1:7) Se mani vanua cava eda tiko kina, ena vakaukauataki noda vakabauta nida vakasamataka na noda qaqa ena veilewai na iVakadinadina i Jiova. Eda na dikeva ena iwasewase qo eso na qaqa qori. E vakadinadinataka qori ni tiko dina na Matanitu ni Kalou qai vukei keda ena noda qaqa vakalawa!

ENA IWASEWASE QO

WASE 13

Era Kauta na Tacida Nodra iLe ena Mataveilewai

O ira na Turaganilewa ni mataveilewai ena gauna qo era sa ciqoma tale ga na rai e tiko vua na qasenivuli makawa ni Lawa o Kamelieli.

WASE 14

Yalodina ni Tokona Duadua ga na Matanitu ni Kalou

E tawanamaki na kena tilomi na “uciwai” ni veitusaqati vei ira na iVakadinadina i Jiova nira tawaveitovaki.

WASE 15

Valataka na Galala ni Sokalou

Era valataka na tamata ni Kalou na nodra dodonu mera muria na lawa ni Matanitu ni Kalou.