Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 23

E Volai Qai Vakadewataki Vakacava na Neimami iVola?

E Volai Qai Vakadewataki Vakacava na Neimami iVola?

Tabana ni Volavola, Merika

Sauca Korea

Armenia

Burundi

Sri Lanka

Keimami tabaka na ivola ena sivia na 750 na vosa me rawa ni vakayacori vinaka kina na neimami ilesilesi. Qori na vunautaki ni “itukutuku vinaka” vei ira na “veimatanitu, na veiyavusa, na duivosavosa, kei na tamata kece.” (Vakatakila 14:6) E sega ni cakacaka rawarawa, ia keimami vakayacora rawa vakacava? E rawa ga qori ena nodra veivuke na dauvolavola mai na veiyasa i vuravura, kei ira na dauvakadewa yalodina​—era iVakadinadina i Jiova kece.

E vakarautaki na ulutaga ena vosa vakavalagi. Eratou liutaka na iLawalawa Dauvakatulewa na cakacaka ni Tabana ni Volavola ena neimami itikotiko liu. Na tabana oya e lesia na nodra itavi na dauvolavola era veiqaravi tiko ena neimami itikotiko liu kei na so tale na valenivolavola ni tabana. Nira cavutu mai na duidui vanua o ira na volavola, e volai rawa kina na ulutaga e vakavu kauai ena duidui vanua. Qori e taleitaki kina e vuravura raraba na ivola keimami tabaka.

Vakau na ulutaga vei ira na dauvakadewa. Ni sa dikevi oti na ka e volai qai vakadonui, ena vakau sara ena imeli ina timi ni vakadewa e veiyasa i vuravura. E tiko ena timi qo o koya e vakadewa, o koya e raica me donu na vakadewa, kei koya e wilika me taladrodro na vakadewa. Era na saga mera digia na ‘vosa e donu qai dina,’ e tiko tale ga kina na vakasama e vakabibitaki ena vakavalagi.​—Dauvunau 12:10.

Vakatotolotaka na cakacaka na kompiuta. Na kompiuta ena sega ni rawa ni cakava na nona itavi o koya e volavola kei koya e vakadewa. Ia e rawa ni vakatotolotaka na nodra cakacaka na dauvakadewa na ivolavosa, porokaramu, kei na iyaya ni vakadidike sa tu rawa ena kompiuta. Era vakarautaka na iVakadinadina i Jiova e dua na porokaramu ni kompiuta e vakatokai na Multilanguage Electronic Publishing System (MEPS), e rawa ni vakacurumi kina e vica na drau na vosa, biu vata kei na itaba, sa qai vakarautaki me tabaki.

Na cava keimami vakayacora kina na ka kece qo, ena vosa mada ga era vosataka e vica ga na udolu? Baleta ni inaki sara ga i Jiova mera “bula na tamata kece ga, mera mai kila vinaka na ka dina.”​—1 Timoci 2:3, 4.

  • E vakarautaki vakacava na ulutaga me tabaki ena neimami ivola?

  • Na cava keimami vakadewataka kina na neimami ivola ena veimataqali vosa?