Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

O na Cakava na Loma i Jiova?

O na Cakava na Loma i Jiova?

Oni vakavinavinakataki ena nomuni vakawilika na brochure qo moni kilai keimami vinaka na iVakadinadina i Jiova, neimami cakacaka, qai raica tale ga na toso ni neimami isoqosoqo. E nuitaki ni sa vukei kemuni na brochure qo moni kila ni keimami cakava dina tiko na loma i Jiova nikua. Oni uqeti moni vulica tiko ga na veika me baleta na Kalou, qai tukuna vei ira na nomuni vuvale kei na itokani na ka oni sa vulica. Oni uqeti tale ga moni mai soqoni wasoma kei keimami ena Vale ni Soqoni.​—Iperiu 10:23-25.

Na levu ga ni nomu vulici Jiova, o na qai kila na levu ni nona lomani iko. Qori ena uqeti iko mo saga ena nomu vinaka taucoko mo lomani koya tale ga. (1 Joni 4:8-10, 19) O na vakaraitaka vakacava e veisiga ni o lomana na Kalou? Na cava mo muria kina na nona ivakatagedegede savasava? Na cava ena vukei iko mo cakava na loma ni Kalou me vakataki keimami? Ena marautaka na nomu qasenivuli ni iVolatabu me vakamacalataka vei iko na kena isau mo dou rawa ni ‘tiko ga vakavuvale ena loloma ni Kalou ni dou nuitaka tiko na bula tawamudu.’​—Juta 21.

Oni sureti moni muria tiko ga na sala ni ka dina ena nomuni vulica tarava na ivola qo “Tiko ga ena Loloma ni Kalou”.