Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 8

Na Cava e Maqosa Kina na Neimami iSulusulu ena Soqoni?

Na Cava e Maqosa Kina na Neimami iSulusulu ena Soqoni?

Iceland

Mexico

Guinea-Bissau

Yatu Filipaini

Ni o sarava tiko na itaba ni brochure qo, o siqema rawa na maqosa ni nodra isulusulu na iVakadinadina i Jiova nira tiko ena soqoni? Na cava keimami dau kauaitaka kina na keimami irairai?

E vakaraitaka ni keimami doka na neimami Kalou. E sega ni dau raica ga o Jiova na irairai e sau. (1 Samuela 16:7) Ia ni keimami sokaloutaki koya, keimami vinakata sara ga me keimami dokai koya kei ira keimami sokalou vata. E vaka ga nida tu ena mata ni dua na tui se peresitedi, eda na kauaitaka vakabibi meda tokara na isulu e rakorako nida rokovi koya. E va tale ga qori na neimami kauaitaka na keimami irairai ena soqoni, qori e vakaraitaka ni keimami rokovi koya “na Turaganilewa ni vuravura taucoko,” na Kalou o Jiova, vaka kina na vanua keimami sokaloutaki koya kina.​—Vakatekivu 18:25.

E vakaraitaka na ivakavuvuli keimami muria. Na iVolatabu e uqeti ira na lotu vaKarisito mera dara na isulu “e rakorako, me laurai kina na yalomatua.” (1 Timoci 2:9, 10) Na isulu “e rakorako” keimami dara e sega ni mataqali isulu e vakaraitaki kina na yago se veivagarogaroi. Keimami vakaraitaka tale ga na “yalomatua” ena neimami digia na isulu e rairai vinaka, ia e sega ni sakulevu. E laurai ena ivakavuvuli qo ni tu e levu na isulu e rawa ni keimami digia. Na maqosa ni keimami irairai e rawa ni ‘vakacaucautaki kina na ivakavuvuli ni neimami iVakabula’ qai “vakalagilagia na Kalou.” (Taito 2:10; 1 Pita 2:12) Na nodra rai eso tale me baleta na sokalou vei Jiova e vakatau tale ga ena maqosa ni keimami irairai ena soqoni.

Ke sega mada ga ni dua nomu isulu ni lotu, o sureti mo mai tiko mada ga ena soqoni. E sega ni gadrevi sara me voli na isulu saulevu me rakorako kina na neimami isulusulu.

  • Na cava e bibi kina neimami isulusulu ena neimami sokalou?

  • Na ivakavuvuli cava keimami muria me baleta na keimami irairai?