Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 IKURI

Valuta na Vakatavevele

Valuta na Vakatavevele

E ivalavala dukadukali na vakatavevele ni vakadukadukalitaka na vakasama qai laurai kina na yalo ni nanumi koya ga. * O koya e dau vakatavevele e raici ira na so mera ivurevure wale ga ni nona vakacegu, me vakacegui kina nona garogaro. E sega ni okata na veiyacovi me ivakaraitaki ni nodrau veidomoni e le rua, ia me vakacegui kina vakatotolo na gagadre ni veiyacovi. Ia e lekaleka ga na marau e vakilai kina. Na vakatavevele e vakabulabulataka na ka e tukuni meda cata me vaka na “veiyacovi tawadodonu, na ivalavala dukadukali, [kei] na garogaro vakasisila.”—Kolosa 3:5.

A vola na yapositolo o Paula: “Kemuni na wekaqu lomani, ena vuku ni vosa ni yalayala qo, meda vakasavasavataki keda mai na dukadukali kece vakayago kei na dukadukali vakayalo, da qai cakava tiko ga qori ena noda doka na Kalou.” (2 Korinica 7:1) Kua ni yalolailai ke dredre mo muria na ivakasala qori. O Jiova e “tu vakarau me veivosoti” qai vukei iko. (Same 86:5, NW; Luke 11:9-13) Sega ni cala ke o dau rarawataka nomu malumalumu qai ivakaraitaki vinaka nomu saga tiko ga mo valuta, dina ga ni o na rairai sikalutu tale ena so na gauna. Nanuma tiko ni “uasivia na lomada na Kalou, e kila tale ga na ka kece.” (1 Joni 3:20) E sega ni raica ga na cala, ia e kauai ena ka kece me baleti keda. E tu vakarau gona me veivuke ni kilai keda vinaka. Me vaka na gone e dau lako vei tamana ni sotava na leqa, me kua tale ga ni cegu nomu kere veivuke vua na Kalou. Ena vakalougatataki iko o Jiova ena nona vakasavasavataka nomu lewaeloma. (Same 51:1-12, 17; Aisea 1:18) Ia e bibi mo cakava tale ga na ka o  masulaka. Kena ivakaraitaki, vakayawaki iko mai na saravi ni iyaloyalo ca kei na wiliki ni kena ivola, vaka kina na ilala ca. *

Ke sega ni mudu nomu vakatavevele, yalovinaka talaucaka nomu leqa vua e dua na itubutubu lotu vaKarisito se itokani matua vakayalo. *​—Vosa Vakaibalebale 1:8, 9; 1 Cesalonaika 5:14; Taito 2:3-5.

^ para. 1 E vakatokai me vakatavevele na yagoi ni yago tabu me yacova ni bura na wai.

^ para. 2 Me lewai vinaka na kena vakayagataki na kompiuta, so na vuvale era biuta ena vanua e laurai levu kina. Kena ikuri, so tale era volia na porokaramu ni kompiuta e tarova na veika e sega ni vinakati me raici. Ia e sega ni nuitaki na porokaramu va qori

^ para. 1 Me baleta na ivakasala yaga me valuti kina na vakatavevele, raica na ulutaga “Ra Taroga na iTabagone . . . Au na Muduka Vakacava na Malumalumu Oqo?” ena Yadra! ni Okotova-Tiseba 2006, kei na ivola Volume 1, tabana e 178-182, Questions Young People Ask​—Answers That Work.