Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

iVola Mai na iLawalawa Dauvakatulewa

iVola Mai na iLawalawa Dauvakatulewa

Vei Kemuni na Lomani Jiova:

E kaya o Jisu: “Oni na kila na ka dina, na ka dina ena qai sereki kemuni.” (Joni 8:32) E veiuqeti dina na vosa ya! E buroro na ivakavuvuli lasu ena “iotioti ni veisiga” e vakilai kina e levu na ka dredre, ia se rawa ga ni kilai na ka dina. (2 Timoci 3:1) O se nanuma tiko na imatai ni gauna o kila kina na ka dina ena Vosa ni Kalou? Sega ni vakabekataki ni o marautaka!

E bibi vei keda na kilaka dodonu da qai gumatua ni tukuna yani, meda bulataka tale ga. Ena rawa qori ke da tiko ga ena loloma ni Kalou. Cava e vauci kina? E saumi na taro qo ena vosa a cavuta o Jisu ena bogi ni bera ni mate. E kaya vei iratou nona yapositolo yalodina: “Ke dou muria na noqu ivunau, au na qai lomani kemudou tiko ga, me vaka ga na noqu muria na ivakaro i Tamaqu qai lomani au tiko ga o koya.”—Joni 15:10.

Eda kila ni a tiko ga o Jisu ena loloma ni Kalou ni a talairawarawa ena ivakaro i Tamana. Meda va tale ga qori o keda nikua. Ena gadrevi meda bulataka na ka dina eda vulica meda tiko ga kina ena loloma ni Kalou. Ena bogi vata ga ya a kaya o Jisu: “Ke dou kila na ka kece qo, dou na qai marau ke dou cakava.”—Joni 13:17.

E nuitaki ni na yaga na ivola qo ena nomu bulataka na ka dina o vulica mo tiko ga kina “ena loloma ni Kalou . . . ni oni nuitaka tiko na bula tawamudu.”—Juta 21.

iLawalawa Dauvakatulewa ni iVakadinadina i Jiova