Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 GEORGIA

Na Kaukaua ni Loloma

Na Kaukaua ni Loloma

A SE buketetaki voli o Sanel sa ra tukuna vei rau na nona itubutubu na vuniwai ni kalougata ke na bula ena gauna e sucu kina. Ia ke bula, ena tauvi koya e levu na mate. Ena imatai mada ga ni nona siga ni bula e vuravura, sa vinakati tale me caka vua na veisele. Erau vakaitikotiko na nona itubutubu e Abkhazia na yasayasa sa tugalala mai Georgia. Erau sega ni raica rawa e kea e dua na vuniwai ena cakava na veisele vei Sanel qai sega ni vakayagataki kina na dra.

Erau veitaratara sara na nona itubutubu ina Komiti Veitaratara kei na Valenibula. * Dua na ka nodrau marau nira raica rawa na tacida ena komiti qori e dua na vuniwai ni veisele e Tbilisi na koroturaga kei Georgia. Ia e se malumalumu o tinai Sanel ni se qai vakasucu oti ga, e sega ni rawa ni lako kei luvena. E mani tukuni me rau veikau ina valenibula e Tbilisi na bubu nei Sanel, erau iVakadinadina i Jiova ruarua.

E vereverea toka na veisele, ia a vakayacori vinaka. Erau kaya na bubu: “Keirau tiko e valenibula me 20 vakacaca na siga. Dua na ka nodra veinanumi na mataveitacini e Georgia, levu era veisiko yani ra qai kaya nira tu vakarau mera veivuke. Keirau sa rogoca ga nida dau veilomani vakaveitacini, ia qo keirau sa vakadinadinataka sara ga.”

^ para. 4 Sa ra veikilai toka na qase ni ivavakoso era lewe ni komiti qo e Georgia kei na sivia na 250 na vuniwai era rawa ni veisele qai sega ni vakayagataki kina na dra.