Raica sara na lewena

Raica na lewenivola

Dua na ivolavivigi vakaGeorgia ni Kosipeli mai na ika14 ni senitiuri

 GEORGIA | 1924-1990

Na iVolatabu vakaGeorgia

Na iVolatabu vakaGeorgia

A VAKADEWATAKI taumada na iVolatabu ena so na vosa me vaka na vosa vakaGeorgia, vakaArmenia, vakaIjipita (nodra vosa na Copt), vakaLatina, vakaArame, kei na so tale. A rairai volai ena ikalima ni senitiuri G.V. se ni bera ya na ivolavivigi vakaGeorgia ni Kosipeli, na ivola i Paula, kei na Same. Ni toso na vakadewa kei na lavetaki ni iVolatabu ena veisenitiuri e muri, sa vica vata sara na vakadewa ni iVolatabu vakaGeorgia. *

A veivakamuai vakalevu na iVolatabu ena nodra ivola kei na nodra ivakarau ni bula na lewenivanua e Georgia. Kena ivakaraitaki, a lavetaki tu eso na tikinivolatabu ena kena italanoa vakaloloma o Ranadi Shushanik a volai ena ikalima ni senitiuri. Ena nona serekali “Vakaisulu na Dauvala ena Kulinimanumanu” (The Knight in the Panther’s Skin), a vakamacala kina na dauniserekali o Shota Rustaveli me baleta na itovo kilikili. A vola tale ga kina na ivakavuvuli yaga me baleta na veitokani, yalovinaka, kei na nodra lomani na vulagi. Na ivakavuvuli qori e se yaga tiko ga vei ira na lewenivanua e Georgia.

^ para. 3 Ena ikuri ni ivakamacala, raica na ulutaga “Kune e Dua na iYau Vuni,” ena Vale ni Vakatawa 1 June, 2013.