Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 GEORGIA

Era Ciqoma na ka Dina na Matatamata na Kurd

Era Ciqoma na ka Dina na Matatamata na Kurd

E KAYA o Gulizar: “Au dau vakavinavinakataka vakalevu vei Jiova na kena vakatakilai vei au ena noqu vosanisucu na veika me baleti koya.”

Oti e walu na yabaki nona veimaliwai voli kei ira na iVakadinadina i Jiova o Gulizar, sa qai vakila na yaga ni soqoni ni sa caka ena nona vosanisucu (vosa vaKurd), lai papitaiso sara. O Gulizar e cavutu mai na matatamata na Kurd, levu vei ira na ilawalawa qori era ciqoma na ka dina e Georgia ena vica na yabaki tiko ga qo. Na cava e kilai me baleti ira na Kurd?

 Sa vica vata na senitiuri na nodra tawana voli na Kurd na veivanua ena Tokalau e Loma. Era kaya eso na dauvakadidike nira nodra kawa na kai Mitia e cavuti ena iVolatabu. (2 Tui 18:11; Caka. 2:9) Na nodra vosa e via tautauvata kei na vosa vakaIrani.

E vica vata na milioni na Kurd era tu ena duidui vanua, wili kina o Armenia, Irani, Iraki, Siria, kei Taki. E rauta nira le 20,000 era tiko e Georgia. Era daulotu na ilawalawa qori ra qai vakamareqeta na veika vakayalo.

E 500 na dautukutuku ena gauna qo era vosa vaKurd e Georgia, qai tolu na kena ivavakoso. Dua na ka nodra marau e Georgia ni vakayacori ena 2014 e Tbilisi na imatai ni soqo ni veiwasewase vaKurd, ra qai tiko kina na mataveitacini mai Armenia, Jamani, Taki, kei Ukraine.