DUA na itukutuku marautaki keimami rogoca na lewe ni ivavakoso e Tugala Oyo ena 2013. Qori na kena tara na neimami Vale ni Soqoni vou! Era veitokoni na vakailesilesi, era sainitaka tale ga e dua na ivola ni veivakadonui e le 60 era vakaitikotiko voleka. E kaya e dua na turaga: “Ke oni vinakata, e rawa nira saini e le 200.”

Erau liutaka na cakacaka e rua na tacida erau kenadau ena tarataravaki. A vakaoti na tara ni Vale ni Soqoni vou ena Noveba 2014. Keimami sega ni tadra ni na dua na vanua totoka va qo me keimami soqoni kina vakaivavakoso. Io, e veivakurabuitaki na veivakalougatataki i Jiova!