ENA 19 Janueri, 1999, e yaco e dua na veibuturaki volekata na neitou vale ena kaukaua ni nodra veicati na Musolomani kei na lotu vaKarisito. Dua dina na gauna veilecayaki ya. *

Niu raica ni ratou sa taqomaki toka na noqu vuvale, au sa qai veiqiriyaki vei ira na mataveitacini. Au vakamasuti ira mera kua ni tavaiyaya, mera qarauna tale ga na vanua era lakova. Eratou veisiko na qase me ratou vakaukauataki ira na mataveitacini, ratou veiuqeti mera soqoni vakaiwasewase lalai.

E veidusimaki na valenivolavola ni tabana mera biubiu na mataveitacini ke leqataki na nodra bula ena vanua era tiko kina. Keitou lai vakadewataka sara qori ina vica na vuvale. E sega ni via biuta na nona itikotiko e dua na tacida tagane, ra mani vakamatei koya na ilala dauvakacaca. Ia era bula o ira na talairawarawa ina veidusimaki ni valenivolavola ni tabana.