Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 IDONISIA

Loloma vaKarisito ena Gauna ni Leqa Tubukoso

Loloma vaKarisito ena Gauna ni Leqa Tubukoso

E DAU vakaleqa nodra bula na lewe i Idonisia na uneune, ualoka, kei na volukano. Ena gauna va qori, era yavala totolo na tamata i Jiova mera vukei ira na vakaleqai, vakabibi o ira na tacidra vakayalo. Kena ivakaraitaki ena 2005, e dua na uneune vakaitamera e kurei Gunungsitoli na tauni levu duadua ena yanuyanu o Nias, North Sumatra. Sega ni bera nodra veivuke na ivavakoso voleka ena yanuyanu o Sumatra, qai vakauta na valenivolavola ni tabana na iyaya ni vakacoko. Erau lai veivakayaloqaqataki, veivakaukauataki tale ga vei ira na mataveitacini na ivakatawa ni tabacakacaka kei na dua na mata mai na valenivolavola ni tabana. E kaya o Yuniman Harefa, na qase ni ivavakoso e Nias: “Dua na ka nodra domobula na lewenivanua. Ia e vakataudeitaki keimami na totolo ni veivuke e vakarautaka na isoqosoqo i Jiova.”