Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 IDONISIA

iVakamacala Lekaleka kei Idonisia

iVakamacala Lekaleka kei Idonisia

Vanua E toka o Idonisia ena vanua e ciciva na iyalayala ni veimama kei vuravura ena kedrau tadrua o Ositerelia kei Esia, qai levu duadua na kena veiyatuyanuyanu e vuravura. E sivia e 17,500 na veiyanuyanu e Idonisia, levu na yanuyanu qori e tu kina na veidelana sukusukura kei na veikauloa. E tu ena vanua qo e sivia na 100 na ulunivanua e rawa ni kacabote kina na volukano. E sega ni dua tale na vanua e vuravura e kacabote vakalevu kina na volukano me vakataki Idonisia.

Lewenivanua O Idonisia e ikava ni matanitu e vuravura e levu duadua na kena lewenivanua (taravi Jaina, Idia, kei Merika), era tiko kina e sivia na 300 na matatamata. E sivia e  veimama na lewenivanua era cavutu mai na rua na matatamata na Java kei na Sunda.

Lotu E rauta ni 90 na pasede na lewenivanua era Musolomani. Na kena vo era lotu Idu, Buda, se lotu vaKarisito. E levu tale ga na lewenivanua era qaravi kalouvu.

Vosa E sivia na 700 na vosa e vosataki ena veiyatuyanuyanu e Idonisia. Na vosa e vakayagataki raraba e vakatokai me vosa vakaIdonisia, e kau mai na vosa vakaMalay (na vosa e vakayagataki ena so na vanua vakaEsia). E levu era vakayagataka ga nodra vosanivanua nira tiko e vale.

iVurevure ni iLavo E levu na lewenivanua era dauteitei se dauveivoli. E ivurevure levu ni ilavo na iyaubula, kauvaro, waiwai, kei na kasi. E volitaka tale ga vakalevu o Idonisia na rapa kei na waiwai niu.

Kakana E kakana taleitaki na raisi. E laukana tale ga vakalevu na nasi goréng (raisi e tavuteke vata kei na yaloka kei na kakana draudrau), na satay (lewenimanumanu tavu e curumaki ena kau), kei na gado-gado (kakana draudrau vakaisaluaki).

Draki Katakata qai tunumaka. Na draki suasua se draki mamaca e vakatau ena liwa ni cagi e vakatokai na monsoon. E dau kurukuru ena levu na gauna, veitibiyaki na liva, e taubi tale ga na uca.