Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 IDONISIA

Na iLawalawa na Bibelkring

Na iLawalawa na Bibelkring

A TAUYAVU ena veiyabaki ni 1930 ena yasayasa vaka Lake Toba e North Sumatra, e dua na isoqosoqo lotu e vakatokai na Bibelkring (yaca vakaNecaladi ni “dua na ilawalawa ni gonevuli ni iVolatabu”). Era rairai tekivuna na lotu qo e vica na qasenivuli a soli ivola vei ira e dua na painia, de dua o Eric Ewins a vunau voli ena yasayasa vaka Lake Toba ena 1936. Era taleitaka na qasenivuli na ka era wilika, era mani biuta na nodra lotu (Batak Protestant Church) ra lai tauyavutaka sara na iwasewase lailai ni vuli iVolatabu. Ni toso na gauna, e tete na iwasewase qori ina so tale na vanua qai tubu na kedra iwiliwili na lewena ina drau vakacaca. *

Sa tacida ena gauna qo o Limeria Nadap-Dap, a lewena tu e liu na Bibelkring

Era mai kila na gonevuli na ka dina vakaivolatabu ena ivola e solia vei ira na painia. A lewena tu e liu na ilawalawa qori o Dame Simbolon, e taura na dina ena 1972. E kaya: “Era sega ni via vakarokorokotaka na kuila, sega tale ga ni solevutaka na Kirisimasi kei na siganisucu. Eso era vunau sara ga e veivale.” Ia sega ni dede sa basika ena ilawalawa qori na rai vakatamata ni sega ni veitokoni kina na isoqosoqo ni Kalou. E dua tale na yalewa a lewe tu ni ilawalawa o Limeria Nadap-Dap, sa tacida ena gauna qo. E kaya: “E tabu mera uku se sauni ira na yalewa, mera kua ni muria na isulusulu vovou, bau yaco sara ina ivava. E vakatabui tale ga mera yadua na lewenilotu na ivakatakilakila e volai kina na kedra ivolatukutuku (identity card). Qori e vakacudrui ira sara ga na vakailesilesi vakamatanitu.”

Era tawase vakavica na lewe ni ilawalawa ni gonevuli ni iVolatabu, e lutu tale ga na kedra iwiliwili. Era mai ciqoma na ka dina e levu vei ira qori nira lesu yani na painia ina yasayasa vaka Lake Toba.

^ para. 1 Era tukuna eso ni lai yacova sara na vica vata na udolu na lewe ni Bibelkring.