Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 13

E ca na Vakatevoro kei na Vakadraunikau

E ca na Vakatevoro kei na Vakadraunikau

E vinakata o Setani mo vakaitavi ena vakatevoro. E levu era golevi ira na vu, se yalo, mera taqomaki ira mai na leqa. Era vakayacora oqo baleta nira rerevaki ira na sa mate. Era dara e so na mama se qato me itataqomaki. Era gunuva e so na wai se lumuti ira ena “rewa” era nanuma ni tu kina na kaukaua vuni. E so era vunitaka e nodra vale, se ra buluta e so na ka era nanuma ni tiko kina na mana me taqomaki ira. E so tale era vakayagataka e so na ka era nanuma ni mana me na kauta mai vei ira na kalougata ena nodra bisinisi, veitarogi e koronivuli, kei na veibuku.

O na taqomaki vinaka duadua mai vei Setani, ke nomu itokani o Jiova. E kaukaua cake sara na Kalou o Jiova kei ira nona agilosi mai vei Setani kei ira nona timoni. (Jemesa 2:19; Vakatakila 12:9) Ena tu vakarau o Jiova me vakaraitaka nona kaukaua ena vukudra na nona itokani—o ira era yalodina vakatabakidua vua.—2 Veigauna 16:9.

E kaya na Vosa ni Kalou: “Me tabu vei iko na vakatevoro.” E cata o Jiova na vakatevoro kei na vakadraunikau ni o koya e vakaitavi kina e sa soli koya sara ga ena liga i Setani na Tevoro.—Vunau ni Soro 19:26.