Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 8

O Cei e Meca ni Kalou?

O Cei e Meca ni Kalou?

E meca levu duadua ni Kalou o Setani na Tevoro. O koya e ibulibuli vakayalo, e muri e qai tusaqati Jiova. Se saqata tiko ga na Kalou o Setani me yacova mai oqo, o Setani e vakaleqai keda tale tiko ga vakalevu na tamata. E rui ca o Setani. E daulasulasu, e daulaba tale ga.—Joni 8:44.

Era tomani Setani e so tale na ibulibuli vakayalo ena nodra vorata na Kalou. E vakatokai ira oqo na iVolatabu mera timoni. Era keda meca na tamata me vakataki Setani ga. Era dau vinakata mera vakararawataki keda. (Maciu 9:32, 33; 12:22) Ena qai vakarusai Setani vakadua kei ira nona timoni o Jiova. Sa lailai sara na gauna e vo mera vakararawataki keda kina.—Vakatakila 12:12.

Ke o vinakata mo itokani ni Kalou, kua ni cakava na ka e vinakata o Setani mo cakava. O Setani kei ira nona timoni era cati Jiova. Era meca ni Kalou, era vinakata mo meca tale ga ni Kalou o iko. E dodonu mo vakadeitaka se o cei o via vakamarautaka—o Setani se o Jiova. Ke o via bula tawamudu, e dodonu mo vakatulewataka mo cakava na inaki ni Kalou. E matai o Setani ena ilawaki kei na sala me vakacalai keda kina na tamata. E levu e sa vakaisini ira sara tu ga o koya.​—Vakatakila 12:9, VV.