Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 9

O Cei e iTokani ni Kalou?

O Cei e iTokani ni Kalou?

O Jisu Karisito e Luve i Jiova, e nona itokani voleka, itokani dredre duadua tale ga. Ni bera ni mai bula vakatamata e vuravura, a bula tu mai lomalagi o Jisu, e ibulibuli vakayalo kaukaua. (Joni 17:5) Oti sa qai lako mai vuravura me mai vakavulici ira na tamata ena ka dina me baleti koya na Kalou. (Joni 18:37) E solia tale ga na nona bula vakatamata me vakabulai keda kina na tamata mai na ivalavala ca kei na mate. (Roma 6:23) Ena gauna oqo, e sa Tui tu ni Matanitu ni Kalou o Jisu, na matanitu vakalomalagi ena vukica na vuravura me Parataisi.—Vakatakila 19:16.

Era itokani tale ga ni Kalou na agilosi. Era sega ni a bula tu vakatamata e liu e vuravura na agilosi. Era a buli mai lomalagi ni bera ni bulia na vuravura na Kalou. (Jope 38:4-7) E vica vata tu na milioni na levu ni agilosi. (Taniela 7:10) O ira na itokani oqo ni Kalou mai lomalagi era vinakata meda vulica na ka dina me baleti Jiova.—Vakatakila 14:6, 7.

Era tu tale ga na itokani ni Kalou e vuravura; e vakatokai ira mera nona ivakadinadina. Na ivakadinadina ena mataveilewai e tukuna na ka e kila me baleta e dua, se baleta e dua na ka. O ira na iVakadinadina i Jiova era tukuna yani vei ira na tani na ka era kila me baleti Jiova kei na nona inaki. (Aisea 43:10) Me vakataki ira ga na agilosi, o ira na iVakadinadina era via vukei iko mo vulica na ka dina me baleti Jiova. Era vinakata tale ga mo mai itokani ni Kalou.