Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 12

Na Cava e Yaco Nida Mate?

Na Cava e Yaco Nida Mate?

Na mate e veibasai ni bula. Na mate e vaka ga na mocelutu. (Joni 11:11-14) O ira na mate e sega ni rawa nira rogo, rai, vosa, se vakasamataka e dua na ka. (Dauvunau 9:5, 10) E vakavuvulitaka na lotu lasu ni o ira na mate era lako ina dua na vuravura ni yalo mera lai bula vata kei ira na tukadra. Oqo e sega ni ivakavuvuli ni iVolatabu.

Era na sega ni vukei keda rawa na mate, e sega tale ga ni rawa nira vakaleqai keda. E levu era dau vakacaboisoro, era cakava tale ga e so na ivalavala vakavanua ena nodra nanuma nira vakamarautaki ira tiko kina na mate. Oqo e sega ni taleitaka na Kalou baleta ni yavutaki ena dua vei ira na lasu i Setani. Kena ikuri, ena sega ni vakamarautaki ira tale ga na mate nira sa sega tu ni bula. E sega ni dodonu meda rerevaki ira na mate se qaravi ira. Meda qarava duadua ga na Kalou.—Maciu 4:10.

Era na bula tale na mate. O Jiova ena vakayadrati ira tale na mate mera bula ena vuravura parataisi. Na gauna me na vakayacori kina oqo e se tiko e liu. (Joni 5:28, 29; Cakacaka 24:15) Na Kalou e rawa ni vakayadrati ira na mate me vaka ga na nomu rawa ni vakayadrata e dua e moce.—Marika 5:22, 23, 41, 42.

Na kena vakabauti nida sega ni mate e dua na ivakavuvuli lasu e vakatetea o Setani na Tevoro. O Setani kei ira nona timoni era vakavuna mera nanuma na tamata nira bula tu na yalo ni tamata mate, ra qai dau vakavuna na tauvimate kei na so tale na leqa. E dau vakaisini ira na tamata o Setani, so na gauna ena tadra se raivotu. O Jiova e cati ira na dau via vosa vei ira na mate.—Vakarua 18:10-12.