Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 LESONI 2

Na Kalou e iTokani Vinaka Duadua

Na Kalou e iTokani Vinaka Duadua

Nomu yaco mo itokani ni Kalou e ka uasivi duadua me bau yaco vei iko. Ena vakavulici iko na Kalou ena sala mo marau, mo nuidei tale ga kina; ena vagalalataki iko mai na levu na vakabauta cala kei na ivalavala e vakatubuleqa. Ena rogoca na nomu masu. Ena vukei iko mo lomavakacegu, mo yalodei tale ga. (Same 71:5; 73:28) Ena tokoni iko na Kalou ni o rarawa. (Same 18:18) E rawa tale ga ni nomu na isolisoli ni Kalou na bula tawamudu.—Roma 6:23.

Ni o toro voleka vua na Kalou, o na volekati ira tale ga na itokani ni Kalou. Era na mai nomu itokani tale ga. Era na vaka sara ga na tacimu kei na ganemu. Era na marau mera vakavulica vei iko na ka e baleti koya na Kalou, era na vukei iko, era na vakayaloqaqataki iko.

Eda sega ni tautauvata kei na Kalou. Ni o saga tiko mo itokani ni Kalou, mo nanuma tiko e dua na ka bibi. Nida itokani ni Kalou, eda sega ni itokani tiko ni dua eda tautauvata. E dede sara nona bula vei keda, e vuku sara, e kaukaua tale ga. E noda iLiuliu dina o koya. O koya gona, ke da vinakata meda nona itokani, e dodonu meda rogoci koya, meda cakava tale ga na ka e tukuna meda cakava. Nida vakayacora oqo, eda na vakila na kena vinaka.—Aisea 48:18.