Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 ITALANOA 36

Na Luve ni Bulumakau Koula

Na Luve ni Bulumakau Koula

OILEI! Na cava era cakava tiko oqo na tamata? Era sokalou tiko ina dua na luve ni bulumakau! Na cava era cakava tiko kina na ka oqo?

Ni lai dede tiko o Mosese ina ulunivanua, era qai kaya: ‘Eda sega ni kila na ka sa yaco vei Mosese. Meda bulia e dua na kalou me kauti keda tani e ke.’

E kaya na tuaka i Mosese, o Eroni: ‘Sa vinaka. Ni luvata mai vei au na nomuni sau koula.’ E vakawaicalataka sara o Eroni me bulia kina e dua na luve ni bulumakau koula. Era qai kaya: ‘Qo na noda Kalou, e kauti keda mai Ijipita!’ E dua nodra soqo levu na Isireli, ra qai sokaloutaka tiko na bulumakau koula.

E cudru sara ga vakalevu o Jiova ni raica na ka oqo. E kaya vei Mosese, ‘Lako sobu sara vakatotolo. Era sa cakava tiko na ka ca na tamata. Era sa guilecava na noqu ivunau ra qai cuva tiko ina bulumakau koula.’

Ni lako sobu yani o Mosese, e raica na veika oqo. Era meketa tiko na bulumakau koula ra qai lagasere! Na levu ni nona cudru, a viritaka sobu na vatu ni vunau e rua, mani kakavorovoro. E vakawaicalataka na bulumakau koula qai qaqia me matailalai me vaka na kuvuniqele.

Sa dua sara ga na ka ca oqo era cakava na Isireli. E kaya kina o Mosese vei ira e so na tagane mera taura na nodra iseleiwau. ‘Vakamatei ira na qarava tiko na bulumakau koula.’ Era vakamatei kina e lewe 3,000. E vakaraitaka oqo ni dodonu meda qaravi Jiova duadua ga, sega ni o ira na kalou lasu.