Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

IWASEWASE 3

Nodra Vakabulai Mai Ijipita me Yacova na iMatai ni Tui Isireli

Nodra Vakabulai Mai Ijipita me Yacova na iMatai ni Tui Isireli

A liutaka na nodra sereki na Isireli mai Ijipita o Mosese ra qai lako ina Ulunivanua o Saineai. E kea tale ga na vanua a solia kina na Kalou na nona ivunau. Lakolako sa qai tala e 12 na yamata o Mosese mera lai raici Kenani mada. Eratou kauta mai na itukutuku ca e lewe 10. Era via lesu tale kina i Ijipita na tamata. Ni lailai nodra vakabauta, a totogitaki ira na Isireli na Kalou mera veilakoyaki tu ena vanua liwa me 40 na yabaki.

A qai digitaki o Josua me kauti ira na Isireli ina vanua o Kenani. E kitaka o Jiova e so na cakamana me vakarawarawataka nodra mai tawana na vanua. E tarova na kui ni Uciwai na Joritani, e vakabalea na bai kei Jeriko, e cakava me tu vakadua na matanisiga me dua na siga taucoko. Ni oti e ono na yabaki, sa ra qai tawana na nodra vanua na kai Kenani na Isireli.

Me tekivu mai vei Josua, era liutaki Isireli na dauveilewai me 356 na yabaki. E levu vei ira eda na qai vulica, me vakataki Peraki, Kitioni, Jefica, Samisoni kei Samuela. O ira tale ga na yalewa vakataki Reapi, Tepora, Jaeli, Ruci, Neomai kei Tilaila. E kovuti ena iWasewase TOLU na itukutuku ni 396 na yabaki.

 

ENA IWASEWASE QO

ITALANOA 34

Na Kakana Vou

Na kakana vou qo e vakarautaka na Kalou mai lomalagi.

ITALANOA 35

Solia Nona iVunau o Jiova

Cava na rua na ivunau e bibi cake ina iVunau e Tini?

ITALANOA 36

Na Luve ni Bulumakau Koula

Na cava mera sokalou kina na tamata ena matakau e buli mai na sau e vakawaicalataki?

ITALANOA 37

Na Valelaca ni Sokalou

E tiko ena rumu e loma sara na kato ni veiyalayalati.

ITALANOA 38

Lewe 12 na Yamata

Duatani na ka eratou tukuna na tini na yamata, duatani tale rau tukuna na le rua. O cei era vakabauta na Isireli?

ITALANOA 39

Tubu na Senikau ena iTitoko i Eroni

E rawa vakacava me tubu ena kau vuca ena dua ga na bogi na senikau kei na vuata dreu?

ITALANOA 40

Samuta na Vatu o Mosese

E yaco na ka e vinakata o Mosese, ia e vakacudrui Jiova.

ITALANOA 41

Na Gata Parasa

Na cava e tala mai kina na Kalou na gata paisoni me kati ira na Isireli?

ITALANOA 42

Vosa e Dua na Asa

Raica na asa na ka e sega ni raica o Pelami.

ITALANOA 43

Sa iLiuliu Vou o Josua

Se bulabula vinaka tu o Mosese, na cava ga e sosomitaki koya kina o Josua?

ITALANOA 44

Vunitaki Rau na Yamata o Reapi

E vukei rau vakacava na tagane o Reapi, na cava tale ga e kerea vei rau?

ITALANOA 45

Takosovi na Uciwai na Joritani

Yaco e dua na cakamana nira butu e lomaniwai na bete.

ITALANOA 46

Na Bai kei Jeriko

E rawa vakacava ni tarova na bale ni bai e dua ga na dali?

ITALANOA 47

Na Daubutako e Isireli

Vakacava ena vakaleqa na matanitu taucoko na ka ca e cakava e dua ga na tamata?

ITALANOA 48

Era Lomavuku na Kai Kipioni

Era lawakitaki Josua kei ira na Isireli mera cakava e dua na veiyalayalati, era dina tiko ga na Isireli ena nodra vosa ni yalayala.

ITALANOA 49

Tu Vakadua na Matanisiga

E cakava na Kalou e dua na ka vei Josua e se sega vakadua ni bau cakava.

ITALANOA 50

Rua na Yalewa Yaloqaqa

Liutaka na mataivalu ni Isireli o Peraki, na cava e vakacaucautaki kina o Jaeli?

ITALANOA 51

O Ruci kei Neomai

Biubiu mai nodratou o Ruci me lai tiko kei Neomai qai qaravi Jiova.

ITALANOA 52

Kitioni kei na 300 Nona Tamata

Digitaka ga e le vica na Kalou mai na ilawalawa mataivalu qo mera vakatovolei se ra na gunu vakacava.

ITALANOA 53

Yalayala i Jefica

Na ka e yalataka vei Jiova e okati tale ga kina o luvena yalewa.

ITALANOA 54

Na Tamata Kaukaua Duadua

E qai kila vakacava o Tilaila na vu ni nona kaukaua o Samisoni?

ITALANOA 55

Na Gonetagane Lailai sa Mai Qarava na Kalou

Na Kalou e vakayagataka na gonetagane lailai o Samuela me lai vakasavuya na itukutuku warumisa vua na Bete Levu o Ilai.