Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

IWASEWASE 1

Mai na Buli ni Veika me Yacova na Waluvu

Mai na Buli ni Veika me Yacova na Waluvu

E vu mai vei na lomalagi kei na vuravura? E mai tu vakacava na matanisiga, vula, kalokalo, kei na levu tale na ka e tu e vuravura? E kaya na iVolatabu ni a buli ira na Kalou. Na noda ivola e tekivu ena italanoa ni bulibuli ena iVolatabu.

Eda vulica, ni Kalou a buli ira taumada na veika bula vakayalo era vakataki koya. Era agilosi. Ia a buli na vuravura me baleti keda na tamata. Sa qai bulia na Kalou na tagane kei na yalewa, o Atama kei Ivi qai biuti rau ena dua na were totoka. Ia rau a talaidredre vua na Kalou, rau mani mate kina.

Mai na gauna a buli kina o Atama me yacova na Waluvu levu, e rauta ni 1,656 na yabaki. Ena loma ni gauna oqo era bula kina na tamata ca. Era tu mai lomalagi na veika bula vakayalo tawarairai, o Setani kei ira na nona agilosi ca. E vuravura o Keni kei na levu na tamata ca, vaka kina e so na tamata kaukaua sara. Ia era a tu tale ga e vuravura e so na tamata vinaka​—o Epeli, Inoki kei Noa. Ena iWasewase DUA eda na wilika kina na veika e baleti ira kece na tamata oqo kei na veika e yaco.

 

ENA IWASEWASE QO

ITALANOA 1

Tekivu Bulibuli na Kalou

E vakatubuqoroqoro qai kilai rawarawa na italanoa ni bulibuli ena Vakatekivu ?—vei ira mada ga na gonelalai.

ITALANOA 2

Dua na Were Totoka

E tukuni ena Vakatekivu ni bulia na Kalou na were o Iteni, e dua na vanua vinaka sara. E vinakata na Kalou me va tale ga ya na vuravura taucoko.

ITALANOA 3

iMatai ni Tagane kei na Yalewa

E buli Atama kei Ivi na Kalou qai biuti rau ena were o Iteni. Erau imatai ni veiwatini.

ITALANOA 4

Vu ni Nodrau Cemuri

E tiko ena ivola vakaivolatabu na Vakatekivu na italanoa ni kena vakayali na parataisi taumada.

ITALANOA 5

Tekivu na Bula Dredre

Levu na nodrau leqa o Atama kei Ivi ena taudaku ni were o Iteni. Kevaka me rau talairawarawa tu ga vei Jiova o Atama kei Ivi, ke rau bula mamarau tu ga vaka kina o ira na luvedrau.

ITALANOA 6

Na Cauravou Vinaka kei na Cauravou Ca

Eda vulica ena italanoa i Keni kei Epeli ena Vakatekivu na ivakarau vakacava meda vakaitovotaka ?—kei na rai cava meda veisautaka vakatotolo.

ITALANOA 7

Dua na Turaga Yaloqaqa

Na ivakaraitaki i Inoki e dusia nida rawa ni caka dodonu ke ra sega mada ga ni vinaka o ira na wavoliti keda tu.

ITALANOA 8

Nodra Bula Voli e Vuravura na Tuwawa

E vakamacalataki ena Vakatekivu wase 6 nodra dau veivakamavoataki na tuwawa. Era vakatokai na tuwawa qori me Nefilimi, era luvedra na agilosi talaidredre era biuta na nodra itikotiko mai lomalagi mera mai bula e vuravura.

ITALANOA 9

Taya na Waqa o Noa

Eratou bula ena Waluvu o Noa kei na nona vuvale ni ratou talairawarawa vua na Kalou, ia era sega ni vakarorogo na kena vo.

ITALANOA 10

Na Waluvu Levu

Era dredrevaka na ivakasala i Noa na tamata. Ia era qai sega ni dredre ni sa bisa mai lomalagi na uca ni waluvu! Vulica na sala e vakabulai Noa kina na waqa, nona vuvale kei na levu na manumanu.