Raica sara na lewena

Raica na lewenivola

E Dodonu Meu Papitaiso?

E Dodonu Meu Papitaiso?

 WASE 37

E Dodonu Meu Papitaiso?

Mo makataka, dina se lasu:

E dodonu mera papitaiso na lotu vaKarisito.

□ Dina

□ Lasu

Na inaki levu ni nomu papitaiso me taqomaki iko mai na ivalavala ca.

□ Dina

□ Lasu

O na vakabulai ni o papitaiso.

□ Dina

□ Lasu

Ke o sega ni papitaiso, o na sega ni saumitaro vei Jiova ena ka o cakava.

□ Dina

□ Lasu

Ke sa papitaiso nomu itokani, e kena ibalebale o sa rawa tale ga ni papitaiso.

□ Dina

□ Lasu

KE O muria tiko na ivakatagedegede ni Kalou, o bucina e dua na veiwekani kei koya, o tukuni koya tale ga vei ira eso tale, macala ga ni o na vakasamataka mo na papitaiso. O na kila vakacava ni o sa rawa ni papitaiso? Me saumi na taro qori, dikeva mada ke dina se lasu na ivakamacala era toka e cake.

 E dodonu mera papitaiso na lotu vaKarisito.

Dina. E vakarota o Jisu mera papitaiso na nona tisaipeli. (Maciu 28:19, 20) O Jisu mada ga a papitaiso. Mo rawa ni nona imuri, ena vinakati mo papitaiso ni o sa matua vakayalo, me vu mai lomamu nomu via cakava qori.

Na inaki levu ni nomu papitaiso me taqomaki iko mai na ivalavala ca.

Lasu. Ni o papitaiso, o sa vakaraitaka e matanalevu ni o sa yalataki iko vei Jiova. Na yalayala e sega ni vaka na veidinadinati e veivakasaurarataki, me tarova nomu cakava lo eso na ka o dau taleitaka. Ia o na yalataki iko ga vei Jiova ni o via muria dina nona ivakatagedegede.

O na vakabulai ni o papitaiso.

Dina. E kaya na iVolatabu ni noda papitaiso e dua na ikalawa bibi meda vakabulai kina. (1 Pita 3:21) E sega ni kena ibalebale qo ni papitaiso e vaka tiko na inisua o sauma me taqomaki iko mai na leqa tubukoso. Na nomu papitaiso e vakaraitaka ni o lomani Jiova, o via qaravi koya tale ga mai vu ni lomamu me tawamudu.—Marika 12:29, 30.

 Ke o sega ni papitaiso, o na sega ni saumitaro vei Jiova ena ka o cakava.

Lasu. E kaya na Jemesa 4:17: “Ke dua e kila na ka e dodonu me cakava qai sega ni cakava, e sa valavala ca o koya”—ke papitaiso se sega. Ke o sa kila gona na ka e dodonu, o yalomatua tale ga mo raica vakabibi nomu bula, de vinaka mo veitalanoataka kei rau nomu itubutubu se dua na lotu vaKarisito matua. O na kila kina na ka mo cakava mo rawa ni papitaiso.

Ke sa papitaiso nomu itokani, e kena ibalebale o sa rawa tale ga ni papitaiso.

Lasu. E bibi me vu mai lomamu nomu vakatulewa mo papitaiso. (Same 110:3) Mo papitaiso ga ke o sa kila vinaka na ka e vauci ni o dua na iVakadinadina i Jiova, o vakadeitaka tale ga ni o na muria.—Dauvunau 5:4, 5.

 E Veisau Nomu Bula ni o Papitaiso

E veisau noda bula nida papitaiso, eda na vakalougatataki tale ga vakalevu. E dua tale ga na itavi bibi qori, ena vinakati kina mo dei ena nomu yalayala vei Jiova.

Vakacava o sa rawa ni papitaiso? Qori e dua na ka marautaki. O sa na vakarau qarava e dua na itavi dokai, ya mo qaravi Jiova mai vu ni lomamu, me kilai tale ga ena nomu ivakarau ni bula ni o sa yalataki iko vua.—Maciu 22:36, 37.

ENA WASE TARAVA

Vulica eso na ka mo cakava mo vakayagataka vinaka kina nomu bula.

TIKINIVOLATABU BIBI

Solia na yagomuni me isoro bula, e savasava, e vakadonuya na Kalou, oya me vakayagataki ena veiqaravi tabu na nomuni vakasama kei na yalomatua.Roma 12:1.

VAKATUTU

Me rau vukei iko nomu itubutubu mo qara e dua ena ivavakoso, ena rawa ni vukei iko mo toso vakayalo mo papitaiso sara.—Cakacaka 16:1-3.

O Bau Kila . . .?

Na papitaiso e dua na ka bibi, o na “vakatakilakilataki” kina mo vakabulai.—Isikeli 9:4-6.

KA MO CAKAVA!

Me rawa niu toso meu papitaiso, au vinakata meu kila vinaka na ivakavuvuli vakaivolatabu qo: ․․․․․

Au na via taroga vei rau noqu itubutubu me baleta na ulutaga qo ․․․․․

CAVA O NANUMA?

● Cava e ikalawa bibi kina na papitaiso?

● Cava e rawa ni vakavuna me papitaiso totolo e dua na itabagone?

● Cava e rawa ni vakavuna me sega ni via yalayala, qai papitaiso e dua na itabagone?

[Tikina bibi ena tabana e 306]

“Noqu kila niu sa papitaiso e vukei au meu vakatulewa vinaka, meu kua tale ga ni cakava e dua na ka ena vakavuna na noqu rarawa.”—Holly

 [Kato/​iYaloyalo ena tabana e 307]

Taro e Dau Tarogi me Baleta na Papitaiso

Cava na ibalebale ni papitaiso? Nomu tabadromuci qai lamata mai wai, e kena ibalebale ni sa mate nomu ivakarau ni bula makawa. O sa sega tale ga ni vakaliuca na lomamu, ia o sa vakaliuca na loma i Jiova.

Cava na ibalebale ni nomu yalataka nomu bula vei Jiova? Kena ibalebale, o na sega ni lewai iko. O sa yalataka ni bibi duadua vei iko mo cakava na loma ni Kalou. (Maciu 16:24) E bibi mo yalataka nomu bula vei Jiova ena masu ni bera ni o papitaiso.

Cava mo cakava ni bera nomu papitaiso? Dodonu mo muria na Vosa ni Kalou, qai tukuna vei ira eso tale na nomu vakabauta. Mo bucina nomu veiwekani kei na Kalou ni o masu, qai vulica nona Vosa. Nomu qaravi Jiova e nomu vakatulewa sara ga, sega ni dua me vakasaurarataki iko.

E tiko e dua na yabaki ni bula mo rawa ni qai papitaiso kina? E sega sara ni vakabibitaki na yabaki ni bula. E dodonu ga mo yalomatua, mo kila tale ga na bibi ni nomu yalayala.

Vakacava ke o via papitaiso, ia rau qai kaya nomu itubutubu mo wawa mada? De dua rau vinakata mo yalomatua mada. Muria nodrau ivakasala, qai vakayagataka na gauna qori mo veivolekati kina kei Jiova.—1 Samuela 2:26.

 [Kato ena tabana e 308, 309]

Vakalewena

O sa Vakasamataka Tiko mo Papitaiso?

O na rawa ni kila na nomu toso ni o dikeva e vica na tikina qo. Raica rawa na tikinivolatabu qai sauma na taro.

Sala cava o vakaraitaka tiko kina ena gauna qo nomu nuitaki Jiova?Same 71:5. ․․․․․

O vakaraitaka vakacava ni o vakayagataka nomu vakasama mo vakaduiduitaka na ka e donu mai na ka e cala?Iperiu 5:14. ․․․․․

Vakacava na levu ni nomu dau masu? ․․․․․

O dau vakamatatataka vakacava na ka o masulaka? E kilai vakacava ena nomu masu na levu ni nomu lomani Jiova?Same 17:6. ․․․․․

Vola e vica na ka o na via cakava me baleta na ivakarau ni nomu masu. ․․․․․

E vakacava na levu ni gauna o vulica kina vakataki iko na iVolatabu?Josua 1:8. ․․․․․

Cava eso na ka o dau vulica ena nomu vuli vakataki iko? ․․․․․

 Vola e vica na ka o na via cakava me baleta na ivakarau ni nomu vuli vakataki iko. ․․․․․

O dau gugumatua ena cakacaka vakaitalatala? (Kena ivakaraitaki: O rawa ni vakamacalataka vei ira eso tale na ivakavuvuli rawarawa mai na iVolatabu? O dau lesuvi ira na tataleitaki? O saga tiko me dua nomu vuli iVolatabu?)

□ Io □ Sega

O dau vakaitavi ena cakacaka vakaitalatala ke sega ni rau tiko nomu itubutubu?Cakacaka 5:42.

□ Io □ Sega

Vola e vica na ka o na via cakava me baleta na ivakarau ni nomu cakacaka vakaitalatala.2 Timoci 2:15. ․․․․․

O dau tiko wasoma ena soqoni vaKarisito?Iperiu 10:25. ․․․․․

Sala cava o dau vakaitavi kina ena soqoni? ․․․․․

O dau tiko ena soqoni ke rau sega ni tiko nomu itubutubu (ke rau vakadonui iko mo cakava qori)?

□ Io □ Sega

O marautaka vakalevu mo cakava na loma ni Kalou?Same 40:8.

□ Io □ Sega

O rawa ni vola eso na ituvaki o vorata kina na veimurimuri?Roma 12:2. ․․․․․

Cava o cakava me rawa ni qaqaco tiko ga nomu lomani Jiova?Juta 20, 21. ․․․․․

O na qaravi Jiova tiko ga ke rau sa sega ni cakava qori na nomu itubutubu se nomu itokani?Maciu 10:36, 37.

□ Io □ Sega

[iYaloyalo ena tabana e 310]

Me vaka na vakamau, na papitaiso ena veisautaka na noda bula. Me kua gona ni raici vakamamada