Raica sara na lewena

Raica na ikarua ni lisi

Na Website ni iVakadinadina i Jiova

vakaViti

E Tiko na Yaca ni Kalou?

E Tiko na Yaca ni Kalou?

Kena iSau Vakaivolatabu

Keda kece e tiko na yacada. Vakacava e tiko tale ga na yaca ni Kalou? E bibi ena veitokani na vakayagataki ni yaca eda dui kilai kina. Ena va tale ga qori nida saga meda veivolekati kei na Kalou?

E tukuna na Kalou ena iVolatabu: ‘O yau o Jiova. Qori na yacaqu.’ (Aisea 42:8) E levu tu na kena icavuti me vaka na Kalou Kaukaua Duadua, Turaga Cecere Duadua, kei na Dauveibuli, ia e ka dokai na nona sureti keda meda vakayagataka na yacana nida masuti koya.—Vakatekivu 17:1; Cakacaka 4:24; 1 Pita 4:19.

E kune ena levu na ivakadewa ni iVolatabu ena Lako Yani 6:3, na yaca ni Kalou. E tukuni kina: ‘Au dau rairai vei Eparama, Aisake, kei Jekope, niu Kalou Kaukaua Duadua, ia me baleta na yacaqu o Jiova, au a sega ni vakatakilai au vei ratou.

Sa vakayagataki ena veisenitiuri sa oti na vosa vakaPeritania ni yaca ni Kalou na Jiova (Jehovah). E levu na vuku era taleitaka na volavolai ni yaca ni Kalou na “Yahweh,” ia sa kilai raraba na yaca Jiova. E sega ni volai na imatai ni iwasewase ni iVolatabu ena vosa vakaPeritania, a volai ga ena vosa vakaIperiu, na vosa e tekivu wiliki mai na imatau ina imawi. Ena vosa vakaIperiu na yaca ni Kalou e va ga na kena matanivola, יהוה. Na va na matanivola vakaIperiu qo e vakadewataki me YHWH, qai kilai me Tetragrammaton.