Raica sara na lewena

Na Cava na Veivakararawataki Levu?

Na Cava na Veivakararawataki Levu?

Kena iSau Vakaivolatabu

Na veivakararawataki levu oya na gauna dredre duadua era na vakila na kawatamata. E parofisaitaka na iVolatabu ni na yaco qori ena “iotioti ni veisiga,” se na “gauna ni icavacava.” (2 Timoci 3:1; Taniela 12:4, New American Bible) Ena gauna ya ena “qai yaco na veivakararawataki ena ivakatagedegede e sega ni bau vakilai vakadua me tekivu mai na nona bulia na vuravura na Kalou, ena sega tale ga ni yaco e muri.”​—Marika 13:19; Taniela 12:1; Maciu 24:21, 22.

Ka ena yaco ena veivakararawataki levu

Ka ena yaco ni oti na veivakararawataki levu

  • Vesu o Setani kei ira na timoni. E dua na agilosi cecere e kolotaki Setani kei ira na timoni “ina qara e sega ni vakabotona,” e dusia ni sega ni dua na ka ena caka rawa ena vanua qori. (Vakatakila 20:​1-3) Na ituvaki sa na tu kina o Setani ena qara sega ni vakabotona e vaka ga e dua e tu e valeniveivesu, qai sega ni rawa ni veivakamuai ina dua tale na vanua.​—Vakatakila 20:7.

  • Tekivu na Duanaudolu na yabaki. Ena tekivu veiliutaki na Matanitu ni Kalou me 1,000 na yabaki, ena kauta vata mai na veivakalougatataki vei ira na kawatamata. (Vakatakila 5:​9, 10; 20:​4, 6) Na “isoqosoqo levu” e sega ni wiliki rawa era na “bula sivia na veivakararawataki levu,” mera raica tale ga kina na kena vakarau tekivu veiliutaki ena vuravura qo me Duanaudolu na yabaki na Matanitu ni Kalou.​—Vakatakila 7:​9, 14; Same 37:​9-​11.

^ para. 5 E tukuni ena ivola na Vakatakila ni o lotu lasu e vakatakarakarataki Papiloni na Ka Levu, “na saqamua.” (Vakatakila 17:​1, 5) Na manumanu kulakula ena vakarusai Papiloni na Ka Levu e vakatakarakarataka na isoqosoqo e kena inaki me vakaduavatataka na matanitu kece kei vuravura. E kilai taumada me Matabose Makawa kei Vuravura ia ena gauna qo sa kilai me Matabose kei Vuravura.