E Veivakabulai Vakacava o Jisu?
Kena isau vakaivolatabu
A vakabulai ira na tamata yalodina o Jisu ena gauna e solia kina nona bula me isoro ni veivoli. (Maciu 20:28) Sa rauta me vakatokai o Jisu ena iVolatabu me “iVakabula kei vuravura.” (1 Joni 4:14) E kaya tale ga na iVolatabu: “E sega tale ni dua ena veivakabulai, ni sega tale ni dua na yaca e ruku i lomalagi e soli vei keda meda vakabulai kina.”—Cakacaka 4:12.
A ‘mate ena vukudra kece’ era vakaraitaka nodra vakabauti koya o Jisu. (Iperiu 2:9; Joni 3:16) “E . . . vakaturi koya mai na mate na Kalou,” qai lesu i lomalagi o Jisu ena yago vakayalo. (Cakacaka 3:15) Ni sa tiko mai lomalagi o Jisu, “e rawa ni taucoko sara na nona vakabulai ira tale ga era toro yani vua na Kalou ena vukuna, ni bula tu ga o koya me vakamamasu ena vukudra.”—Iperiu 7:25.
Cava me vakamamasu kina ena vukuda o Jisu?
Eda ivalavala ca kece. (Roma 3:23) Na ivalavala ca e tawasei keda mai vua na Kalou, qai kena itinitini na mate. (Roma 6:23) Ia e “dauveivuke” o Jisu vei ira era vakaraitaka nodra vakabauta na nona isoro ni veivoli. (1 Joni 2:1) E vakamamasu o Jisu ena vukudra o ira qori ni kerea na Kalou me rogoca nodra masu, me vosota nodra ivalavala ca ena yavu ni nona mate vakaisoro. (Maciu 1:21; Roma 8:34) E vakayacora na Kalou na veika e kerea qori o Jisu ni salavata kei na lomana. A talai Jisu i vuravura na Kalou “me vakabulai . . . o vuravura ena vukuna.”—Joni 3:17.
E bibi ga meda vakabauti Jisu meda vakabulai kina?
Sega. Na noda vakabulai e sega ni vakatau ga ena noda vakabauti Jisu, eso tale na ka meda cakava. (Cakacaka 16:30, 31) E kaya na iVolatabu: “E mate na yago ni sega na icegu, ena mate tale ga na vakabauta e sega ni cakacakataki.” (Jemesa 2:26) Ke da via vakabulai, meda:
Vulica na veika me baleti rau o Jisu kei na Tamana o Jiova.—Joni 17:3.
Vaqaqacotaka noda vakabauti rau.—Joni 12:44; 14:1.
Vakaraitaka noda vakabauta nida talairawarawa ina nodrau ivakaro. (Luke 6:46; 1 Joni 2:17) A vakavulica o Jisu ni sega ni o ira kece era vakatokai koya me “Turaga” era na vakabulai, era na vakabulai ga o ira era “cakava na loma i [Tamana] mai lomalagi.”—Maciu 7:21.
Vakaraitaka tiko ga noda vakabauta se mani ituvaki dredre cava eda sotava. A vakamatatataka qori o Jisu ena nona kaya: “O koya e vosota me yacova na icavacava ena vakabulai.”—Maciu 24:13.
Rawa ni o Wilika Tale ga
SAUMI NA TARO VAKAIVOLATABU
E Yavu ga ni Noda Vakabulai Noda Vakabauti Jisu?
E kaya na iVolatabu eso era vakabauti Jisu, ia era na sega ni vakabulai. E rawa vakacava qori?
SAUMI NA TARO VAKAIVOLATABU
E iVakavuvuli Vakaivolatabu, ‘Ke Dua e Vakabulai, ena Bula tu Ga’?
Na vosa vakatautauvata i Jisu e sauma sara ga na taro qori.
VAKAMACALATAKI NA TIKINIVOLATABU
iVakamacala ni Joni 3:16—“Na Levu ni Nona Lomani Vuravura na Kalou”
E vakaraitaka vakacava na Kalou ni lomani keda vakayadudua qai vinakata meda rawata na bula?
ESSENTIAL BIBLE TEACHINGS
Na Cava a Mate Kina o Jisu?
E raica vakabibi na iVolatabu na mate i Jisu. Vakacava, e tiko na inaki ni nona mate?
NA VALE NI VAKATAWA
O na Rawata Vakacava na Bula Vinaka Duadua?
E tiko na “sala” e dodonu mo muria mo rawata kina na bula e vakarautaka na Kalou vei ira na lomani koya.
VUNAU LAVOTAKI
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.