Raica sara na lewena

Na Website ni iVakadinadina i Jiova

Digia na Vosa vakaViti

Vakacava sa Veisau na iVolatabu?

Vakacava sa Veisau na iVolatabu?

Sega. Ni vakatauvatani kei na ivolavivigi makawa e sega vakadua ni veisau na iVolatabu, dina ga ni tabaki vakalevu ena pepa e rawarawa ni vakarusai.

Kena ibalebale ni sega ni dua na cala e kune ena gauna e tabaki kina?

E kune e levu na ivolavivigi makawa vakaivolatabu. Eso e laurai kina na veisau ena gauna e lavetaki kina. E veisautaki ga vakalailai, ia e sega ni veisautaka na ibalebale ni ka e tukuni ena iVolatabu. Ia eso tale na tikina e nakiti na caka ni veisau. Dikeva mada e rua na kena ivakaraitaki qo:

  1. Ena so na ivakadewa ni 1 Joni 5:7, e va qo: “mai lomalagi, na Tamada, na Vosa, kei na Yalo Tabu: e dua bauga na le tolu qo.” Ia e tukuni ena dua na ivolavivigi ni sega na ivakadewa taumada ni vosa qori, a qai vakacurumi vakamalua. * Na vakadewa ni iVolatabu nuitaki ena gauna qo sa vakalutuma na yatuvosa qori.

  2. Na yaca ni Kalou e laurai vakaudolu vakacaca ena ivolavivigi taumada ni iVolatabu. Ia e levu na ivakadewa ni iVolatabu era sa sosomitaka ena icavuti me vaka na “Turaga” se “Kalou.”

Eda vakadeitaka vakacava ni na sega ni kune eso tale na cala?

Nikua sa levu sara na ivolavivigi e kune qai rawarawa ni laurai kina na cala. * E vakaraitaki vakacava ena ivolavivigi qori ni donu na veika e volai ena iVolatabu?

  • E kaya na dauvakadidike o William H. Green me baleta na iVolatabu vakaIperiu (e kilai me “Veiyalayalati Makawa”): “E sega ni dua tale na vakadewa e bau matailalai qai donu me vaka e caka ena ivola qo.”

  • E kaya na dauvakadidike ni iVolatabu o F.  F.  Bruce me baleta na iVolatabu vaKirisi vaKarisito, se “Veiyalayalati Vou”: “E levu na ivakadinadina ni Veiyalayalati Vou ni vakatauvatani kei na so tale na ivola. E levu era se lomatarotarotaka ga na vanua e yavutaki mai kina ni vakatauvatani ina so tale na ivola.”

  • E kaya o Sir Frederic Kenyon me baleta na yavu ni ivolavivigi vakaivolatabu, ni rawa ni taura e dua na iVolatabu qai kaya ni qo e Vosa dina ni Kalou, ni vica vata na senitiuri na kena sega vakadua ni bau veisau mai na dua na tabatamata ina dua tale.”

Cava eso tale na vuna eda rawa ni vakadeitaka kina ni donu na iVolatabu?

  • O ira na Jiu kei ira na lotu vaKarisito era lavetaka na iVolatabu, era vola na ivolatukutuku me baleta na cala bibi era cakava na tamata ni Kalou. * (Tiko Voli Mai na Lekutu 20:12; 2 Samuela 11:2-4; Kalatia 2:11-14) Era vola tale ga na nodra talaidredre na Jiu, ra qai vakavotuya na ivakavuvuli vakatamata. (Osea 4:2; Malakai 2:8, 9; Maciu 23:8, 9; 1 Joni 5:21) Nira vola kece na dau lavetaka na iVolatabu na itukutuku matailalai vakaiVolatabu, e vakaraitaka nodra nuitaka qai doka na Vosa ni Kalou.

  • Ni vakavuna na Kalou na volai ni iVolatabu, e vinakata me donu tu ga na itukutuku e tiko kina. * (Aisea 40:8; 1 Pita 1:24, 25) E sega vinakata o koya me yaga ga vei ira ena gauna e liu na iVolatabu, ia me yaga tale ga vei keda nikua. (1 Korinica 10:11) E kaya kina na iVolatabu ni “ka kece e volai e liu e volai meda vakavulici kina, me noda na inuinui e rawati mai na noda vosota kei na noda vakacegui mai na veika e volai ena iVolatabu.”—Roma 15:4.

  • E dau cavuqaqataka o Jisu kei ira nona imuri eso na tikina mai na iVolatabu vakaIperiu, ia ratou sega ni kauai me donu na veika ratou tukuna.—Luke 4:16-21; Cakacaka 17:1-3.

^ para. 5 Na vosa qori e sega ni laurai ena Codex Sinaiticus, Codex Alexandrinus, Vatican Manuscript 1209, na ivakadewa taumada ni Vulgate vakaLatina, na ilavelave na Philoxenian-Harclean Syriac, se na Syriac Peshitta.

^ para. 8 Kena ivakaraitaki, e kune e sivia e 5,000 na ivolavivigi vaKirisi e kilai me Veiyalayalati Vou, se iVolatabu vaKirisi vaKarisito.

^ para. 13 Na iVolatabu e sega ni kaya nira tamata uasivi o ira na matataka na Kalou, ia e kaya: “Nira valavala ca na tamata kece.”—1 Tui 8:46.

^ para. 14 Na Kalou e dusimaka na nodra vakasama na vola na iVolatabu, ia e sega ga ni vakadewataka vei ira na vosa yadua mera vola ena nona ivola.—2 Timoci 3:16, 17; 2 Pita 1:21.