Raica sara na lewena

Na Website ni iVakadinadina i Jiova

Digia na Vosa vakaViti

Tauvimate Bibi—ena Walia na iVolatabu?

Kena iSau Vakaivolatabu

Io. Na Kalou e kauaitaki ira nona dauveiqaravi era tauvimate. E kaya na iVolatabu me baleta e dua nona dauveiqaravi yalodina: “Ena vakacegui koya o Jiova ena nona idavodavo ni tauvimate.” (Same 41:3) Ke o tauvimate bibi, qo eso na ka mo cakava mo vosota:

  1. Kerea na kaukaua mo vosota. O na vakila na “vakacegu ni Kalou e uasivia na vakasama kece,” ena vakalailaitaka nomu lomaocaoca, ena uqeti iko mo toso tiko ga.​—Filipai 4:6, 7.

  2. Rai donu. E kaya na iVolatabu: “Na yalo mamarau sa wainimate vinaka ni tiko bulabula; ia na yalo rarawa sa kauta vakamalua ga mai na mate.” (Vosa Vakaibalebale 17:22, Good News Translation) Saga mo dau mamarau ni na vakaseavutaka nomu rarawa, ena yaga tale ga ena nomu bula.

  3. Vakadeitaka nomu inuinui. Na inuinui ena vakamarautaki iko ni o tauvimate bibi. (Roma 12:12) E yalataka na iVolatabu na gauna ena sega ni kaya kina na lewenikoro: “Au tauvimate.” (Aisea 33:24) Na Kalou ena vakaotia na mate bibi kece era sega ni vakaotia rawa na saenisi. Kena ivakaraitaki, e vakamacalataka na iVolatabu nira na bulabula vinaka tale na itabaqase: “Me bulabula cake na lewena mai na lewena ni se itabagone, me lesu tale ina veisiga se tu kina vua na kaukaua vakaitabagone.”​—Jope 33:25.

Nanuma: Keimami kila na iVakadinadina i Jiova na ivukevuke e vakarautaka na Kalou, ia keimami dau qara tale ga na veiqaravi vakavuniwai me baleta na tauvimate bibi. (Marika 2:17) Keimami sega ni vakatututaka na mataqali veiqaravi vakavuniwai me caka, meda dui vakatulewa ga kina.