Raica sara na lewena

Na Website ni iVakadinadina i Jiova

Digia na Vosa vakaViti

Rerevaka na Mate​—O na Vorata Vakacava?

Rerevaka na Mate​—O na Vorata Vakacava?

Kena iSau Vakaivolatabu

Eda rerevaka kece na mate ni vaka tiko e dua na meca, eda na saga gona meda taqomaka noda bula. (1 Korinica 15:26) Ia na ivakavuvuli lasu kei na ivakavuvuli vakatevoro e vakavuna mera “vakabobulataki  . . ena rerevaki ni mate ena nodra bula taucoko,” na tamata. (Iperiu 2:​15) Nida kila na ka dina, eda na sega ni rerevaka na mate​—na rere e rawa ni kauta laivi na bula marau.​—Joni 8:​32.

Na ka dina me baleta na mate

  • Era sa sega ni vakila e dua na ka na mate. (Same 146:4) O na sega ni vakila na mosi se na rarawa ena gauna o mate kina, ni vakatauvatani na mate ena iVolatabu me vaka ga na moce.​—Same 13:3; Joni 11:11-​14.

  • Era sega ni rawa ni vakaleqai keda na mate. O ira mada ga na dauvakacaca tu e liu era na “vakacegu kei ira na mate.” (Vosa Vakaibalebale 21:16) E kaya na iVolatabu sa na oti na “nodra veicati kei na nodra vuvu.”​—Dauvunau 9:6.

  • Ena sega ni tawamudu o mate. Na Kalou ena vakaturi ira na mate tu.​—Joni 5:​28, 29; Cakacaka 24:15.

  • E yalataka na Kalou ni na yaco na gauna “sa na sega tale na mate.” (Vakatakila 21:4) Ena siga ya, e kaya na iVolatabu: “O ira na yalododonu era na taukena na vuravura, era na qai bula tawamudu kina,” era na sereki mai na mate.​—Same 37:29.